Kaizer Chiefs yo livhisa ṱhogomelo yayo kha Betway Premiership
Thimu ya Kaizer Chiefs yo humela hayani nga murahu ha u tamba mutambo wa khaphu ya CAF Confederation Cup ngei Lubumbashi, zwino i khou sedza kha u wana poindi musi i tshi tamba na Siwelele FC tshitediamu tsha FNB.
Kaizer chiefs yo tanganedza thimu ya siwelele FC kha ligi ya premiership ya betway
Kaizer Chiefs yo vhuyelela mushumoni wapo ino vhege nga murahu ha u ṱangana na AS Simba nga 0-0 kha mutambo wa u thoma wa round ya u thoma ya CAF Confederation Cup ngei Lubumbashi, DRC.
Mutambo wa vhuvhili u do vha hone nga Mugivhela, dzi 25 dza Tshimedzi tshitediamu tsha Dobsonville, hune Amakhosi ya do shumisa tshikhala tshavho tsha u fhedza mushumo ngei Soweto.
- vhari wana kha facebook| facebook.com/profile.
Fhedzi phanḓa ha zwenezwo, hu na bindu ḽa ligi ḽine ḽa fanela u lugiselelwa.
Nga Ḽavhuraru nga madekwana (19:30), thimu ya Phefeni Glamour Boys i ḓo ṱanganedza Siwelele FC stadium tsha FNB kha mutambo wa Betway Premiership une wa nga ita uri i dzule i tsini na vhuimo ha nṱha.
Vha Soweto giants zwa zwino vho dzula kha vhuimo ha vhuṋa kha logi, vha murahu ha vharangaphanḓa Mamelodi Sundowns nga phoindi dza rathi, nahone zwa ndeme, vha na mitambo mivhili.
U swika zwino kha ino khalanwaha, Glamour Boys yo no wina mitambo miṋa, u ṱangana luraru na u kundwa luthihi fhedzi kha mitambo ya malo, yo no kora zwikoro zwa malo na u ṋewa zwikoro zwiṱanu.
- VHALANI HAFHU: Zwane u a takala musi a tshi humbula nga ha Kaizer Motaung
Naho zwo ralo, vhaeni vhavho vha swika vhe na tshivhumbeo tshi si tshavhuḓi. Siwelele FC i fhasi kha vhuimo ha vhu 14, yo kuvhanganya poindi dza sumbe fhedzi kha mitambo ya fusumbe.
