Ndi ngani Phala a tshi toda uri Appollis a dzhene kha Chiefs
Thuso Phala o engedza ipfi lawe kha mavharivhari a uri kilabu dza PSL a dzi todi u rengisa vhatambi vhadzo kha Kaizer Chiefs.
Vho amba hezwi musi vha tshi khou amba nga ha nḓila ye Orlando Pirates ya kunda ngayo Kaizer Chiefs u swika kha u saina Oswin Appollis – muṅwe wa vhatambi vhane vha khou fhisa vhukuma kha shango.
“Ndo vha ndi tshi ḓo takalela u mu vhona kha Chiefs,” ho amba Phala kha nyambedzano ya zwenezwino na Omni Sports Podcast.
“Fhedzi ndi vhona unga kha Pirates na vhatambi vhane a vha navho, vho mu ita khwine vhukuma u fhira kale.Kha Chiefs o vha a tshi ḓo vha e fhasi ha mutsiko muhulwane wa u ri wanela mvelelo.
“A thi humbuli hu na mutsiko nga u ralo kha Pirates… zwino, zwo vha zwi tshi tou vha zwavhuḓi uri a dzhene kha Pirates arali u tshi zwi sedza nga nḓila ya mutsiko.
- vhari wana kha facebook| facebook.com/profile.
“Fhedzi arali na zwi sedza nga nḓila ya u tamba tshifhinga tshoṱhe, zwi tou vha khagala uri kha Chiefs o vha a tshi ḓo vha o thoma mutambo muṅwe na muṅwe ngauri ndi muṅwe wa vhatambi vha khwine kha ligi kha shango ḽino.”
Thuso Phala na ene o tenda uri o dinalea uri Kaizer Chiefs a yo ngo kona u saina Appollis nga murahu ha musi ho vhigwa uri vha na dzangalelo khae.
“Ndi kha ḓi pfesesa uri ndi ngani ri songo mu saina,” ho isa phanḓa Phala, we a tenda uri ndi mutevheli wa Chiefs.
“Ndi a zwi ḓivha uri hu na polotiki ine ya khou katelwa – nyambedzano iyi ya uri Chiefs a i ṱoḓi u renga vhatambi na zwoṱhe zwenezwo…
- VHALANI HEZWI :Efstathiou o bvisela khagala u dinalea hawe nga zwa vho Velebayi .
“Fhedzi ngoho arali Chiefs i tshi ṱoḓa mutambi i ṱoḓa R10-miḽioni, nahone Pirates i mu saina nga R3-miḽioni,” ho amba Phala.
Naho mulanguli wa Chiefs a tshi kha di lila, Appollis u vhonala o takala kha Pirates sa izwi o no vha mutambi ane a fulufhelwa nahone o no wina tshiphuga tshawe tsha u thoma kha MTN8.
