McKenzie o fhulufhedzisa Bonasi khulwane kha Bafana Bafana

Minister wa zwa mitambo Vho-Gayton McKenzie vho fulufhedzisa bonasi dzine dza swika rannda dza miḽioni ṱhanu kha vhatambi na vhagudisi vha Bafana Bafana.

Vho amba uri hezwi zwi ḓo vha bonasi ya u vha fhululedza nga murahu ha musi vho no isa thimu kha World Cup ya 2026.

Gayton McKenzie vho ita nḓivhadzo iyi musi vha tshi khou amba na thimu nga murahu ha musi yo kunda Rwanda nga 3-0.

Gundo ḽeneḽo ngei Mbombela stadium nga Ḽavhuvhili vhusiku ḽo vhea Bafana nṱha ha tshigwada tsha C nahone ḽa vhuedzedza thimu iyi kha mitambo ya ḽifhasi lwa u tou thoma nga murahu ha miṅwaha ya fumi rathi.

“Zwe na ita ṋamusi zwi a khoḓiwa vhukuma,” McKenzie o ralo a tshi amba na vhatambi. “Ndi ḓo ni vhona nga kha tshiṅwe tshithu.

“Fhedzi noṱhe ni fanela u zwi kovhelana. Ri ḓo ni fhululedza ngauri vho inwi no ita mushumo muhulwane we wa takadza shango ḽoṱhe.”

Ndi lwa u thoma Afrika Tshipembe ḽi tshi dzhena kha thonamennde nga kha mitambo ya u khetha u bva nga 2002.

Vho fhedzisela u tamba kha thonamente nga 2010, musi vhe kha tshikhala tsha u vha ṋemuṱa wa Tshiphuga tsha Ḽifhasi.

Naho ho vha na mvelelo dzi si gathi dzi nyadzisaho, u ṱangana na Zimbabwe na u bviswa ha poindi tharu zwe zwa bveledza u timatima, Gayton McKenzie vho amba uri a vho ngo  vhuya vha xelelwa nga lutendo kha thimu.

• vhari wana kha facebook| facebook.com/profile.

“Ho vha hu na vhane vha timatima na vhane vha sea, fhedzi vhatukana vhashu vho vha vha tshi tamba nga mbilu,” o bvela phanḓa. “Nigeria a yo ngo ri thusa; ro tamba mutambo washu, nahone ra kunda.”

Minisiṱa vho dovha vha khoḓa nga nḓila yo khetheaho mugudisi muhulwane Vho Hugo Broos, vhane vha ḓo vhuyelela kha Tshiphuga tsha Ḽifhasi lwa u tou thoma nga murahu ha miṅwaha ya 40.

Vho vha vho fhedzisela u tamba kha thonamente sa mutambi wa thimu ya lushaka ya Belgium nga 1986 nahone zwino vha khou vhuya sa mugudisi.

• VHALANI HAFHU: Mdledle kha Chiefsi: “Ahuna vhukoni, ahuna vharangaphanḓa”

“Musi Hugo Broos a sa athu vha mugudisi, Bafana Bafana yo vha i tshi seisa,” McKenzie o amba nga u ḓikukumusa.

“Fhedzi hoyu mugudisi o rembulusa zwithu. Ndi minisita o takalaho u fhira vhoṱhe shangoni zwa zwino.”