Efstathiou o bvisela khagala u dinalea hawe nga zwa vho Velebayi

Mulanguli Muhulwane wa Cape Town Spurs Vho-Alexi Efstathiou vho bvisela khagala u dinalea havho nga u xelelwa nga naledzi mbili.

Efstathiou uri u ṱuwa ha vhatambi vhawe vhavhili vhane vha ḓivhea vhukuma kha Kaizer Chiefs zwi fana na u ṱuwa ha mutukana a sa songo onesa.

Asanele Velebayi wa minwaha ya fumbili-mbili na Luke Baartman wa minwaha ya fumbili-sumbe vho no vha vhatambi vha chiefs lwa tshiofisi nga murahu ha nndwa dza mulayo lwa minwedzi minzhi

 Mafhungo avho o tandululwa vhege yo fhelaho musi muhaṱuli wa Safa Hilton Epstein a tshi dzhia tsheo ya uri vhatambi vhenevho vhavhili a vha nga fhasi ha thendelano na Spurs nahone vha nga dzhena kha kilabu iṅwe na iṅwe mahala.

Tsheo yo tikedza tsheo yo dzhiiwaho kale nga PSL DRC, nahone ya fhelisa nndwa ndapfu ya Spurs ya u vha vhulunga nga murahu ha musi vho haiwa kha Safa ABC Motsepe League.

Fhedzi kha Efstathiou, zwo vha zwi sa tou vha zwa dzi khothiraka kana zwa maṅwalo fhedzi, zwo vha zwi tshi fhira zwenezwo.

• vhari wana kha facebook| facebook.com/profile.

“Ndi tama u ṱangana navho nga tshiṅwe tshifhinga u itela u vha vhudza mihumbulo yanga,” Efsthathiou o vhudza FARPost.

“Vha a zwi ḓivha uri ndo vha ndi tshi dzulela u vha na tshifhinga Tshiṅwe tshifhinga, vhushaka vhu nga ha khotsi na ṅwana.

“Zwi sia u khopfa vhutungu  musi mutukana wau a tshi ṱuwa hayani a songo ni onesa.”

Velebayi na Baartman vhoṱhe vha bva Cape Flats — Mulambo wa Philippi na Elsies — nahone vho dzhena kha Spurs musi vha tshi kha ḓi vha na miṅwaha ya 12 fhedzi.

Vhoṱhe vho gonya nga kha tsigwada, vha bvelela vha vha vhatambi vhaswa vha fulufhedzisaho.

Kaizer Chiefs yo vha i tshi khou vha pandamedza lwa tshifhinga tshilapfu, fhedzi Spurs yo lwa nga maanḓa uri i dzule i na avha vhavhili.

• VHALANI HAFHU: McKenzie o fhulufhedzisa Bonasi khulwane kha Bafana Bafana

Zwino, nga murahu ha tsheo, u pfulutshela havho Naturana zwo fheleledza zwo vha zwa tshiofisi — nahone ndima yavho i tevhelaho i nga thoma.