Bernard Parker o bva mulomo malugana na u huvhadzwa nga Zungu

Bernard Parker o bva mulomo malugana na u huvhadzwa nga Zung.

Bernard Parker o amba lwa u tou thoma nga ha tshiwo tshe tsha ṱoḓa u fhelisa buḓo lawe la bola ya milenzhe musi a sa athu dzhia tsheo ya u ṱutshela mushumo.

Musi e kha TS Galaxy kha minwaha yawe ya u fhedzisela sa mutambi, Bernard Parker o vha o dzhenelela kha tshiwo tshihulwane.

Ho vha hu kha mutambo wa Carling Knockout na Mamelodi Sundowns musi a tshi huvhadwa vhukuma nga Bongani Zungu.

Bernard Parker o vunḓea mulenzhe, fhedzi zwe zwa mangadza vhanzhi ndi uri Zungu ho ngo sumbedza u ḓisola kha zwe a ita.

Nṱhani hazwo, o vhonala a tshi khou lwa na malugwane , a tshi mu pomoka uri ndi ene we a mu rumela nnḓa nga ṅwambo wa tshenetsho tshiitea.

Na nga murahu ha zwenezwo, Zungu ha ngo vhuya a sumbedza u ḓisola kha tshenetsho tshiitea nga u humbela pfarelo kha Parker.

Zwino musi a tshi khou amba na Vho-Mazola Molefe kha Podcast ya Behind the Boot, Parker o amba nga ha tshiwo itshi lwa u tou thoma.

• vhari wana kha facebook| facebook.com/profile.

“Ndo vha ndo mufarela.fhedzi mueletshedzi wanga wa muya o mmbudza uri khanwe arali nda ya nda amba nae zwi ḓo nthusa uri ndi fhole nga u ṱavhanya.

“Zwenezwo zwo vha zwi ngauri ndo vha ndi na zwenezwo kha nṋe… Ndo vha ndi tshi ḓivhudzisa uri muthu a nga nnyita hani hezwi a sa sumbedzi u ḓisola.

“Fhedzi musi ri tshi lingedza u ita zwenezwo ndo dzhena kha Instagram ya Bongani nda mu wana – khamusi o vha o buloka.

“Ndo mbo ḓi sinyuwa fhedzi mueletshedzi wanga a ri, ‘hai khamusi ri nga ya Chloorkop ra ṱangana nae henefho, khamusi ri nwe tie roṱhe ra amba’.

• VHALANI HAFHU :Ndi ngani Phala a tshi toda uri Appollis a dzhene kha Chiefs

“Fhedzi ndo ri hai, ndi ngani ndi tshi fanela u vha nṋe ane nda khou mu tevhela, ngeno ndi sa koni u fhola ndi si nae,” Parker o engedza.