Zwe Broos a vhudza Mbule musi thimu yono khwalifaya

Mugudisi wa tshigwada tsha Bafana Bafana Hugo Broos o bvisela khagala mulaedza wa maanḓa we a vha e nawo kha mutambi wa vhukati wa tshigwada tsha Orlando pirates Sipho Mbule.

Mugudisi na mutambi vho vhonala vha tshi khou kuvhatedzana na u haseledza lwa tshifhinganyana nga murahu ha musi Afrika Tshipembe ḽo ṅwalisa vhuimo haḽo kha khapi ya ḽifhasi ya 2026.

Sipho Mbule, we a dzhia vhudzulo ha Patrick Maswanganyi kha Bafana, o shumisa tshikhala tshawe nga vhuḓalo — a takadza Hugo Broos nga u ḓiimisela hawe.

• vhari wana kha facebook| facebook.com/profile.

Vho-Broos vhari vhone na muthusi wavho Vho-Helman Mkhalele vho tendelana u nea mutambi wa kale wa Mamelodi Sundowns tshikhala tsha vhuvhili kha Bafana.

Broos o ri: “Nṋe na Helman ro amba nga hae nahone ra tendelana uri ri ḓo mu ṋea tshiṅwe tshibuli.”

Mutambi wa Belgium ha ngo dzulela u humbela Mbule musi a tshi vhuya kha thimu yawe, fhedzi o mbo ḓi mu vhudza nga u ṱavhanya.

“Ndo mu vhudza nda ri, ‘Hetshi ndi tshikhala tshaṋu tsha vhuvhili — nahone nga murahu ha hezwi, zwo fhela. Arali na sa tshi fara nga zwanḓa zwoṱhe, a ni nga ḓo vhuya na vhuya.

“‘A vha nga ḓo dovha vha vha kha Bafana arali ndi tshi kha ḓi vha mugudisi’,” ho engedza Broos.

“Ndo mu vhudzisa uri u khou toda u vha kha Afcon na kha World Cup naa, a ri, ‘ee’.

“Ndo ralo nda muvhudza uri a ntsumbedze uri u a zwi funa hani.

“A tho ngo vhuya nda timatima vhukoni hawe — fhedzi zwino u khou lwa na u gidima nga u ḓiimisela. Ndi Sipho Mbule ane ra mu ṱoḓa.”

• VHALANI HAFHU : Mdaka uri Amajita yo vha i songo ḓilugisela zwavhuḓi

Broos o phetha nga mulaedza wa u khoḓa: “Ndo mu fhululedza nga murahu ha mutambo, nda ri ‘No dzhia tshikhala tshaṋu.