Mdledle kha Chiefsi: “Ahuna vhukoni, ahuna vharangaphanḓa”
Mutambi wa kale wa mutsireledzi wa tshigwada tsha Orlando pirates Innocent Mdledle o sasaladza tshigwada tsha kaizer chiefs, a tshi ri tshigwada tsho xelelwa nga vhuimo ha nṱha.
O vha pomoka uri “vha khou saina vhatambi vhane vha sa swike kha tshiimo ha ntha”.
O dovha a fanyisa Chiefs na nnḓu yo fhaṱiwaho hu si na muhanga wo teaho, zwine zwa ita uri vhafhaṱi vha shanduke.
Innocent Mdledle o tenda uri o vha e mufuni muhulwane wa Kaizer Chiefs musi a sa athu dzhena kha tshigwada \a tsha Pirates.
U tenda uri vhatambi vhane vha kha ḓi tou bva u sainiwa — Vho-Flavio Silva, Vho-Etiosa Ighodaro, na vhatambi vhavhili vha Pirates Vho-Thabiso Monyane na Vho-Paseka Mako — a vha swiki kha tshiimo tshe Chiefs ya vha i tshi ḓivhelwa tshone.
“Chiefs yo vha i tshi saina vhatambi vhane vha vha vharangaphanḓa na vhatambi vha phanḓa,” o ralo kha Sports Gig na Sibonelo Ngcobo.
- vhari wana kha facebook| facebook.com/profile.
“Zwino a hu na vhuimo. Sedzani fhedzi Sundowns na Pirates — vho saina vhatambi vha ngaho Sipho Mbule, Oswin Appollis, Tshepang Moremi. Ndi vhuimo honoho.”
Vho-Innocent Mdledle vhari thaidzo dza u thola vhatambi vha Kaizer Chiefs dzi khou vhonala nga u shaya vhatambi vha bvaho kha thimu ya lushaka ya Bafana Bafana.
“Nga maḓuvha, Chiefs yo vha i na vhatambi vha sumbe kana vha malo vha thimu ya lushaka nga tshifhinga tshithihi. Fhedzi sedzani zwino, a vha na vhatambi,” o bvela phanḓa.
Vho dovha vha tsivhudza uri vhatambi vhaswa vha ngaho Mfundo Vilakazi na Mduduzi Shabalala vha khou tambula kha thimu.
U amba ngoho a si zwavhuḓi uri vhatambi vhaṱuku sa vhone vha lavhelelwa u hwala vhuleme ha dzina ḽa thimu.
“Ni ngasi lavhelele uri vhala vhathannga vha tshi tshimbidza Chiefs. Vha kha di vha vhatuku. Heyi nndu ine vha kho u fhata a i nga do vhuya ya fhela.”
- VHALANI HAFHU : Zwe Broos a vhudza Mbule musi thimu yono khwalifaya
O lila uri nwaha munwe na munwe hu pfi thimu i khou fhata, fhedzi ahuna phambano.
O zwi bvisela khagala uri na ene ha vha vhoni vha tshi fhedza kha thimu ṱhanu dza nṱha kha ḽogo nga hetshi tshifhinga.
Mdledle a si ene mutambi wa kale wa bola ya milenzhe kana muṱalutshedzi wa u thoma u bveledza u timatima nga ha maitele a u nanga vhatambi vha Chiefs zwifhingani zwa zwenezwino.
