Mdaka uri Amajita yo vha i songo ḓilugisela zwavhuḓi

Mugudisi wa Majita Vho-Raymond Mdaka vha vhona uri arali thimu yavho yo vha yo ḓilugisela zwavhuḓi, yo vha i tshi ḓo vha yo shuma khwine kha mitambo ya FIFA ya fhasi ha miṅwaha ya 20 ngei Chile.

Thimu yawe yo vhuyelela Afrika Tshipembe mafheloni a vhege o fhiraho nga murahu ha musi yo bviswa kha round ya u thoma nga Colombia.

“Kha nṋe, tshenzhelo ye nda i wana musi ndi tshi khou gudisa Amajita yo nṋea nḓivho yo engedzeaho nga ha nḓila ya u sedzana na zwiimo zwo fhambanaho.

“Fhedzi hafhu, u dzulela u ṱoḓa nyimele ine wa vha na tshifhinga tsho eḓanaho tsha u lugisela dzithonamente khulwane.

“Hu na zwiṅwe zwiimo na fhethu hune wa sa wane zwoṱhe zwine wa zwi ṱoḓa,” Mdaka o vhudza Sunday World.

Malugana na ndugiselo, Vho-Mdaka vho tenda uri thimu yavho yo vha i tshi do vha na tshikhala tsha khwine tsha u kunda arali vho vha vho di lugisela zwavhudi.

“U dovha wa sedza na dziṅwe thimu dze dza ḓilugisela zwavhuḓi na u wana thikhedzo ye dza vha dzi tshi i ṱoḓa,” vho engedza nga u ralo.

• vhari wana kha facebook| facebook.com/profile.

“Ro vha ro fanela u tamba mitambo miraru, kana miṋa na maṅwe mashango u itela u ḓilugisela.

“Sedzani fhedzi mutambo washu wa u thoma (na France), zwo vha zwi khagala uri ro vha ri songo dzudzanyea zwavhuḓi.

“Fhedzi ndi humbula uri nga ndugiselo yavhuḓi, na thikhedzo yavhuḓi (u bva kha Safa), ro vha ri tshi nga ita khwine,” ho amba Mdaka.

Fifa Under 17 World Cup i thoma nwedzi u daho fhedzi thimu ya hayani a i athu thoma ndugiselo dzothe.

• VHALANI HAFHU : Katsande u imelela vhagudisi vha Chiefs vha tshifhinganyana

Hu dovha hafhu ha vha na mavharivhari a uri ha athu rumela madzina a vhatambi vhane a do vha shumisa kha tournamende.