Katsande u imelela vhagudisi vha Chiefs vha tshifhinganyana
Mutambi wa kale wa thimu ya Kaizer Chiefs Vho-Willard Katsande vho sumbedzisa thikhedzo yavho kha vhagudisi vha tshifhinganyana Khalil Ben Youssef na Cedric Kaze.
Vho bvisa mbilaelo dza uri vha shaya tshenzhemo ya u gudisa vho ḓiimisaho nga vhoṱhe sa izwi vhe vhathusi.
Lavhutanu lo fhelaho, vhavhili avha vho fhiwa vhulanguli lwa tshiofisi u swika khalanwaha i tshi fhela.
Hezwi zwo itea nga murahu ha musi tshigwada “tsho tendelana u fhandekana na mugudisi Nasreddine Nabi”, we a vha o sala na miṅwedzi ya malo kha thendelano yawe.
Naho vha sa athu vhuya vha shuma sa vhagudisi vhahulwane, vhoṱhe Ben Youssef na Kaze vha na tshifhinga kha dzhango nahone vho vha vhe tshipiḓa tsha thimu ya Nabi.
Zwino Willard Katsande u tenda uri vha nga kona u langa mushumo we vha ṋewa wone kha Naturaenna ngauri ‘tshenzhemo a i ambi’.
“U vhulunga Ben Youssef na Kaze zwo vha zwi vhukando havhuḓi,” Vho-Willard Katsande vho vhudza Sowetan ino vhege.
- vhari wana kha facebook| facebook.com/profile.
“U nga si ḓise mugudisi muswa zwino wa vhea mvelaphanḓa ya thimu khomboni.
“Havha vhagudisi vha a ḓivha thimu, vha a ḓivha ligi — zwino ri fanela u vha tikedza.”
Katsande, we a vha e mutambi wa vhukati wa Makhosi, we a tamba mitambo i fhiraho 300 vhukati ha 2011 na 2021, o landula muhumbulo wa uri vhavhili avha vha shaya tshenzhemo.
“Kha nṋe, muhumbulo wa uri a vha na tshenzhelo wo khakhea.” “Vho no vha kha bola ya milenzhe lwa miṅwaha minzhi.
“Tshiṅwe tshifhinga ipfi ‘tshenzhemo’ ḽi shumiswa luvhi. Sedzani fhedzi Mikel Arteta — o bva kha u vha muthusi wa Pep a ya kha u langa Arsenal.
“Zwine zwa vha zwa ndeme kha u gudisa ndi u pfesesa mutambo, hu si uri wo no wina dzi trophy nngana.”
Ben Youssef na Kaze vho no dzhia vhulanguli ha mitambo miṱanu kha miṱaṱisano yoṱhe, U kunda luthihi , u kunda nga dziphenaḽa kha Kabuscorp kha Tshiphuga tsha Confederation tsha Caf.
- VHALANI HAFHU: Hezwi ndi zwithu zwihulwane , hu amba Broos nga ha Bafana
Vho dovha vha tamba u lingana luvhili kha ligi vha sa athu kundwa nga Stellenbosch kha mutambo wa Carling Knockout.
