Pirates na Chiefs yo vusuludza dzangalelo kha Polokwane city
Thimu ya orlando pirates na vhahura vhayo Kaizer chiefs vho vusuludza dzangalelo lavho kha mutambi wa Polokwane City Thabang Matuludi.
Hu khou pfeseswa uri vha nga ita bid ya mutambi kha transfer window i tevhelaho nga nwedzi wa Phando.
Matuludi wa minwaha ya 26 o vhuyelela kha mutambo nga murahu ha u huvhala ha muṱoḓo he ha ita uri a si kone u tamba mathomoni a ṅwaha uno.
U vhuya hawe zwo vusa dzangalelo kha thimu mbili dza Soweto, vhe vha vha vha tshi ṱangana nae musi a sa athu huvhala.
The Citizen i vhiga uri tshisima tshi re tsini na mutambi uyu tsho khwaṱhisedza uri dzangalelo khae a ḽi athu fhela.
“Ndi khou lavhelela uri dzi kilabu dze dza amba uri dzi do vhuya dza mu ṱoḓa ngauri o vhuyelela kha vhuimo hawe,” ho amba tshisima.
“Zwi ḓo takadza u vhona arali Polokwane City i tshi ṱoḓa u mu rengisa.
“Fhedzi ndi na vhungoho ha uri zwigwada zwivhili zwihulwane zwi ḓo lingedza u mu renga.”
Matuludi o vha e muṅwe wa vhatambi vhe vha vha vha tshi khou ṱoḓiwa nga thimu nnzhi dza PSL musi a sa athu huvhala kha mutambo wa Betway Premiership na SuperSport United nga ṅwedzi wa Phando.
Nga hetsho tshifhinga, Pirates yo vha i tshi tendiwa uri ndi yone ine ya vha phanḓa kha mbambe ya u mu saina na Oswin Appollis, we a fhedza yo mu saina.
Zwino o no fhola tshoṱhe, mutsireledzi wa Bafana Bafana a nga ḓiwana e kha zwigwada zwihulwane zwa shango.
Matuludi zwa zwino u kha thimu ya lushaka ine ya do tamba kha mitambo ya u dzhena kha World Cup ya 2026.
