Ndi ngani Thuso Phala a tshi toda Sipho Mbule kha Chiefs
Mutambi wa kale wa thimu ya Kaizer chiefs, Thuso Phala o bvisela khagala uri ndi muṅwe wa vhathu vhe vha vha vha tshi ṱoḓa uri Sipho Mbule a dzhene kha kilabu ya Naturaenna madzuloni a Orlando Pirates.
Thuso Phala uri ndi Kaizer Chiefs ye ya vha i tshi ṱoḓa vhukoni ha Sipho Mbule u fhira vhapikisi vhayo vhahulwane vhane vha vha na vhatambi vhanzhi vhavhuḓi kale.
Kaizer chiefs yo fhiwa tshikhala tsha u saina Sipho Mbule nga murahu ha musi thendelano yawe i songo vusuludzwa kha Mamelodi Sundowns mafheloni a khalanwaha yo fhelaho.
- vhari wana kha facebook| facebook.com/profile.
Fhedzi vhalanguli vha Chiefs vho dzhia tsheo ya u sa mu saina sa izwi ho vha hu na mavharivhari mahulwane a vhuḓifari vhu si havhuḓi e a vha a tshi khou mu tevhela nga tshenetsho tshifhinga.
Hezwi ndi nga murahu ha musi vho pandelwa musi tshifhinga tshavho tsha kha Sekhukhune United tshi sa athu fhela nga nthani ha u sa difara zwavhuḓi.
Orlando Pirates yo mbo ḓi mu renga nga u ṱavhanya, nahone o vha muṅwe wa vhatambi vha khwine u swika zwino, u swika a tshi vhuyelela kha Bafana Bafana.
“vhuhali hune a vha nayo musi a tshi dzhena mudavhini… Ahh, u pfa unga Master Chef u fhano ri khou bika,” Phala o vhudza Omni Sports zwenezwino.
“U na vhukoni, nahone sa mufuni wa Chiefs ndo vha ndi tshi mu ṱoḓa sa mutambi washu.Naho thimu i sa khou tshimbila zwavhuḓi, musi e mudavhini tshiṅwe na tshiṅwe tshi a konadzea.
“U dzulela u ita pulane ngauri u na fulufhelo na nḓivho ya uri musi e kha bola a nga ita uri zwithu zwi bvelele.”
O amba uri vhukoni hawe vhu do vha vhulwane kha Makhosi ngauri u do vha ene fhedzi ane ra mu fulufhela na u tamba mutambo munwe na munwe.
“U ita uri, sa vhatambi ngae, u vhe na tshivhindi, u vhe na fulufhelo na u ita zwavhuḓi. Kha Chiefs, ndi vhona u nga ndi zwe ra vha ri tshi zwi ṱoḓa.
“Mbule o vha a tshi do vha muhulwane kha Chiefs ngauri Pirates i nga wina mitambo a siho. Fhedzi kha Chiefs, o vha a tshi do thoma mutambo munwe na munwe.”
