Cupido o vhidzwa kha tshigwada tsha Bafana Bafana kha mutambo na Rwanda
Mutambi wa Stellenbosch FC Ashley Cupido o vhidziwa kha tshigwada tsha Bafana Bafana kha minete dza u fhedzisela dza mutambo wa ndeme wa Lavhuvhili vhusiku.
Kha mutambo wa u khetha wa Tshiphuga tsha Ḽifhasi wa ṅwaha u ḓaho, Bafana Bafana i ḓo ṱangana na Rwanda tshitediamu tsha Mbombela, Nelspruit – u ḓo thoma nga awara ya vhuṱahe nga madekwana.
Cupido, mutambi wa minwaha ya 24, u dzhia vhudzulo ha Lyle Foster o huvhalaho, ane a khou lavhelelwa u sa tamba mutambo.
Foster ha ngo guda na thimu musi vha tshi khou guda lwa u fhedzisela phanḓa ha mutambo nga Musumbuluwo nga masiari.
U dzheniswa ha Cupido kha tshigwada zwo khwaṱhisedzwa nga tshigwada tshawe tsha Stellenbosch FC nga Swondaha .
Ndi lwa u thoma a tshi vhuyelela kha thimu ya lushaka u bva nga Fulwi 2025, musi a tshi kora tshikoro tshawe tsha u thoma kha mutambo wa vhukonani na Mozambique.
Cupido o ṱanganela na mutambi ngae wa Stellies Thabo Moloisane, we a dzhena kha mutambi wa tsireledzi Mbekezeli Mbokazi, we a bvisiwa musi vha tshi tamba na Zimbabwe.
Afrika Tshipembe ḽi kha vhuimo ha vhuvhili kha Group C, nahone ndi u kunda fhedzi hune ha ḓo ita uri fulufhelo ḽavho ḽa khapi ya ḽifhasi ḽi dzule ḽi tshi tshila.
Zwino mugudisi Hugo Broos o sedzana na thaidzo ya uri u ḓo thoma nnyi murahu na Vho-Moloisane, Vho-Nkosinathi Sibisi, Vho-Malibongweni Khoza, na Vho-Khulumani Ndamane.
Nga phanḓa, Cupido u ḓo ṱaṱisana kha vhuimo ha u thoma na Evidence Makgopa a re na tshenzhemo.
we na ene a vha e mudzhieli wa Iqraam Rayners nga murahu ha tshifhinga.
