‘Chiefs i tea u vusuludza mvelele yayo nga murahu ha Nabi’
Musaukanyi wa bola ya milenzhe Vho-Farouk Khan vhari Kaizer Chiefs i nga vhuelwa nga u ṱuwa ha mugudisi wa Tunisia Vho-Nasreddine Nabi.
U amba uri zwino thimu i na tshikhala tsha u ḓivhumba hafhu, u vhuyelela kha bola yayo ya vhukuma, zwithu zwine a pfa zwo xela nga fhasi ha Nabi.
Kaizer Chiefs yo khwaṱhisedza u ṱuwa ha Nabi vhege yo fhiraho fhedzi a yo ngo ṋea zwiitisi zwa tsheo ya u mu pandela.
Vhathusi vhawe vha kale, Khalil Youssef na Cedric Kaze, vho tholiwa u gudisa u swika khalanwaha i tshi fhela.
Musi a tshi amba na KickOff, Khan o amba uri naho u bva ha Nabi zwo takusa maṱo, a zwo ngo mangadza.
“A ri athu divha tshiitisi tsha u pandelwa hawe; ho vha na mafhungo manzhi. Khalanwaha ye a vha nayo yo vha khombo,” Khan o ralo.
“Naho vho wina Nedbank Cup, u sa fhedza kha vha 8 vha nṱha zwo vha zwi songo eḓana kha Kaizer Chiefs.”
Khan o engedza nga uri tsheo ya kilabu ya u fhandekana na mugudisi yo vha i tshi pfala musi ri tshi sedza nyimele.
- vhari wana kha facebook| facebook.com/profile.
“Nga ndila iṅwe, a thi nga soli kilabu. Kha u ṱuṱuwedza vhathusi vhawe, khamusi kilabu i tenda uri zwi nga shuma, fhedzi tshifhinga tshi ḓo zwi sumbedza.”
Zwi takadzaho ndi uri Khan o sumbedza uri Youssef na Kaze vho ita uri thimu i sa kundwe kha mitambo miṱanu musi Nabi a siho phanḓa.
Fhedziha, mugudisi wa kale na muṱalutshedzi vho ombedzela uri thaidzo dza kilabu dzi ya nga ngomu vhukuma u fhira tshanduko kha vhashumi vha vhagudisi.
“Fhedzi zwine zwa khou ṱoḓea vhukuma ndi u vusuludza mvelele ya bola ya milenzhe kha heyi kilabu,” ho amba Khan, we a vhuya a shuma kha Chiefs sa muthusi wa mugudisi.
- VHALANI HAFHU: Pirates na Chiefs yo vusuludza dzangalelo kha Polokwane city
“Musi ndi tshi khou gudisa kha Chiefs na Muhsin Ertugral, ro vha ri tshi pfesesa mvelele yeneyo. A si zwa u tamba bola ya milenzhe i kungaho fhedzi — ndi zwa nḓila yoṱhe ya u tamba.”
