Kaizer Chiefs i khou isa phanda na u kundelwa kha mitambo
Kaizer Chiefs i khou isa phanda na u tambula u wana mvelelo dzavhudi nga murahu ha u tamba nga 1-1 na Sekhukhune United nga Swondaha nga masiari,
Zwa engedza tshifhinga tshayo tsha u kundwa zwine zwa khou tevhekana kha DStv Diski Challenge.
Donay Jansen o thoma mutambo kha Amakhosi, ye ya vha i tshi khou sedza u vhuyelela kha nḓila dza u kunda nga murahu ha musi yo tamba 1-1 na Siwelele FC vhege yo fhiraho.
Chiefs yo thoma mutambo nga ndila ya khwine, yo fara bola, ya tshimbidza bola, na u tamba zwavhudi mudavhini i tshi khou lingedza u sika zwikhala.
U lingedza havho ha u thoma ho bvelela vhukati ha hafu ya u thoma musi Shaun Els a tshi vula tshikoro nga miniti ya vhu 24.
- vhari wana kha facebook| facebook.com/profile.
Mutambi wa phanḓa o sumbedza u dzika huhulwane nga ngomu ha mudavhi, a posa bola yo livhaho kha nethe u itela u kora tshikoro tshawe tsha u thoma kha khalanwaha na u ṋea Amakhosi vhuimo ha u ranga phanḓa.
Fhedzi Chiefs yo vha i sa koni u khwathisa vhuimo hayo, Sekhukhune ya thoma u tahulela nḓila yayo ya u vhuyelela kha mutambo musi tshifhinga tshi tshi khou ḓi ya.
Vhuḓidini havho ho fhela musi Mamparu Malekgene a tshi posa bola nga ṱhoho nga miniti ya vhu 60, zwa ita uri tshikoro tshi vhe 1-1.
- VHALANI HAFHU: A si Messi kana Ronaldo, fhedzi ndi mutambi wa ndeme– Broos
Thimu mbili dzo lingedza u wana muwini kha mimunithi ya u fhedzisela, fhedzi mutambo wo fhela nga 1-1.
Mvelelo i amba uri Kaizer Chiefs zwino yo kundelwa u kunda kha mitambo miṋa i nga u tevhekana — ndi tshiṱhavhi kha mugudisi Vela Khumalo, ane a khou lingedza u vhuisa thimu nḓilani.
