Fulufhelo ḽa Bafana Bafana ḽi kha Nigeria
Arali Nigeria ḽa nga kunda Benin kha mutambo wavho wa u fhedzisela wa u ṱanganela kha Tshiphuga tsha Ḽifhasi tsha 2026, zwi ḓo vha phaṱhutshedzo khulwane kha Bafana Bafana.
Hafhu u dzhena ha Bafana Bafana kha tournament a zwi tsha vha zwandani zwavho fhedzi, zwi dovha zwa bva kha mvelelo dza minwe mitambo.
Thimu ya Hugo Broos i kha vhuimo ha vhuvhili kha Group B nga 15 points, i murahu ha Benin nga poindi mbili phanḓa ha mitambo ya u fhedzisela.
Vha do tea u kunda Rwanda nga phambano ya zwikoro nga Lavhuvhili, vha konaha u fulufhela uri Nigeria na Benin vha do ita draw, kana Super Eagles i do kunda.
- vhari wana kha facebook| facebook.com/profile.
Arali Benin ya kunda hoyu mutambo, zwi do vha tshinyalelo kha Bafana Bafana sa izwi tshikhala tshavho tsha u vha thimu ya khwine ya u fhedza kha vhuimo ha vhuvhili kha tshigwada tshavho tshi tshi do vha tshituku.
“Bola ya milenzhe i a takadza tshinwe tshifhinga” ndi muṱalutshedzi Zipho Dlangalala nga ha nyimele yo livhanaho na Bafana.
“Zwi a mangadza uri ri ṱoḓa Nigeria ḽi tshi ya kha World Cup ṅwaha u ḓaho.
“Ee, no mpfa zwavhuḓi, ri ṱoḓa Nigeria, ḽine ḽa vha maswina ashu a vhukuma na mahulwane.”
Zwithu zwo vha zwi tshi khou vhifha nyana kha Bafana nga murahu ha u kundelwa u kunda Zimbabwe nga Lavhutanu vhusiku ngei Durban.
- VHALANI HAFHU: Kaizer Chiefs i khou isa phanda na u kundelwa kha mitambo
Mitambo ya u fhedzisela ine ya do tambiwa nga Lavhuvhili i do thoma nga tshifhinga tshithihi sa izwi yothe i tshi do thoma nga awara ya vhurathi nga madekwana.
