Tsheo ya u fhedzisela ya Kaizer Chiefs kha Nasreddine Nabi

Kaizer Chiefs yo divhadza lwa tshiofisi tsheo yayo malugana na vhumatshelo ha mugudisi Nasreddine Nabi nga murahu ha vhege dza khakhathi.

Kiḽaba ine ya vha ya Naturena yo ḓivhadza u fhelisa thendelano yayo na mugudisi muhulwane Nasreddine Nabi.

Mugudisi o imiswa mushumoni wawe kha Naturena lwa vhege dzo vhalaho, naho tshiitisi tsho teaho tsha u imiswa hawe tshi sa athu bviselwa khagala.

Fhedzi mivhigo yo sumbedza uri zwo vha zwi tshi khou itiswa nga u tumbulwa ha uri ha na ṱhanziela dzo fhelelaho dza u gudisa.

• vhari wana kha facebook| facebook.com/profile.

Vha Senate vho vhiga vhege yo fhelaho uri tshinwe tsha zwiitisi ndi uri zwo bvelela uri mugudisi o zwifha nga ha u huvhala ha mufumakadzi wawe.

Zwo mbo ḓi bvelela uri nga tshenetsho tshifhinga, o vha o ya u vusuludz ṱhanziela dzawe dza u gudisa.

Musi a tshi vhuya, o vha o no lenga uri vha ṅwaliswe kha Caf uri a kone u dzula kha bannga kha mitambo ya Confederation Cup.

Vhushaka ho mbo ḓi vhifha, Nasreddine Nabi a tenda u ṱutshela Kaizer Chiefs fhedzi nga murahu a shandula tsheo yawe.

Fhedzi zwino vho tendelana u fhandekana nga vhukonani nga murahu ha zwe tshigwada tsha zwi ṱalusa sa nyambedzano dzi ‘fhaṱaho na dzi ṱhonifheaho’.

Kha tshitatamennde tsho ṱanganelaho, vhuvhili havho vho khwaṱhisedza uri tsheo yo swikelwa nga vhukonani.

“Kaizer Chiefs i tama u livhuwa Mugudisi Nabi kha u shela mulenzhe hawe nga tshifhinga tshe a vha e kha vhuimo ha u ranga phanḓa tshigwada.

• VHALANI HAFHU: Ntwari o phulusa hani vhagudisi vha Chiefs kha vhukhathi

“Ri dovha ra mu tamela mashudu kha vhuḓidini hawe ha matshelo,” ho amba vha Chiefs kha tshitatamennde nga Ḽavhuṱanu nga masiari.