A si Messi kana Ronaldo, fhedzi ndi mutambi wa ndeme– Broos

Hugo Broos o imelela muṅwe wa vhatambi vhawe ane vha ri u anzela u sasaladzwa nga u vha mutambi wa khinesa  kha thimu yawe ya Bafana Bafana.

Mutambi uyo ndi Evidence Makgopa wa Orlando Pirates, we a dzhena nga murahu ha tshifhinga u itela u dzhiela vhudzulo Iqraam Rayners we a vha a si na mashudu.

“A thi vhoni u nga ndi fanela u ita tshitatamennde tshihulwane nga ha zwine a nga kona na zwine a nga si kone u zwi ita.”

“Musi ri tshi ya Afcon minwaha mivhili yo fhiraho, munwe na munwe o vha a tshi khou vhudzisa uri Makgopa u khou toda mini kha thimu.”

“Fhedzi rothe ro vhona uri ndi mushumo ufhio we a u tamba kha thimu ya Afcon” ndi Hugo Broos.

“Ngauralo, hu na vhathu vhanzhi vhane vha dzhiela fhasi Makgopa. A si Messi, nahone a si Ronaldo, ndi a zwi ḓivha hezwo.”

• vhari wana kha facebook| facebook.com/profile.

“Fhedzi ndi munna ane a nga vha wa ndeme kha thimu, nahone o zwi sumbedza kale. O zwi sumbedza minwaha mivhili yo fhiraho kha Afcon,” ho engedza Broos.

Mugudisi o dovha a ṱalutshedza uri tshenzhemo ya Makgopa na tshikalo tsha mushumo zwo ita uri zwi mu lelutshele u mu dzhiela vhudzulo arali ha vha na tshikhala musi Rayners a tshi ṱuwa.

“Musi Iqraam a tshi tea u bva gammbani, a tho ngo timatima u founela Evidence hafhu ngauri ndi a zwi ḓivha uri ndi ḓo mu ṱoḓa, ndi a zwi ḓivha uri u ḓo ri thusa vhukuma,” o ralo Broos.

Makgopa o tamba zwavhuḓi vhukuma nga fhasi ha Hugo Broos, a tshi ṱangana zwavhuḓi na vhatambi vha Mamelodi Sundowns, nahone o vhuya a khoḓiwa nga Vho-Themba Zwane.

• VHALANI HEZWI : Tsheo ya u fhedzisela ya Kaizer Chiefs kha Nasreddine Nabi

Vho shuma zwavhuḓi na mugudisi Vho-Jose Riveiro kha Pirates sa izwi vho vha na mushumo muhulwane kha u thusa heyi thimu ya MTN8.