Kaizer Kha Mushumo Wa Jessica Kha FIFA
Muthomi wa Kaizer Chiefs na mudzulatshidulo Vho Dokotela Kaizer Motaung vho sumbedzisa dakalo ḽavho nga ha u tholwa ha Vho Jessica Motaung kha Komiti ya FIFA Men’s Football Stakeholders.
Mulanguli wa u Maketha na Vhubindudzi wa Chiefs o tholwa nga tshiimiswa tshi langaho bola ya milenzhe ya ḽifhasi lwa tshifhinga tsha miṅwaha miṋa, u thoma nga 2025 u swika nga 2029.
Ndi u tholwa ha zwenezwino ha Jessica Motaung nga murahu ha musi o vha o tholwa sa mufarisa muphuresidennde wa African Clubs Association (ACA),
Zwi tshi sia khotsi awe Vho Dokotela Kaizer Motaung vha tshi khou sumbedza u ḓikukumusa havho.
“Heyi ndi iṅwe ṱhonifho yo teaho ya Jessica, u ṱanganedza vhuḓikumedzeli hawe, vhutsila hawe, na miṋeelo i kwamaho kha bola ya milenzhe ya Afrika Tshipembe na Afrika nga u angaredza,” vho vhudza tshigwada tsha nyanḓadzamafhungo tsha Chiefs.
“Ndi tshifhinga tsha u ḓihudza kha riṋe sa dzangano u mu vhona a tshi khou imela Kaizer Chiefs, Afrika Tshipembe na Afrika kha vhuimo ha nṱhesa ha bola ya milenzhe ya ḽifhasi.
“Ri ḓo isa phanḓa na u mu tikedza nga mbilu yoṱhe musi a tshi khou kovhelana vhukoni hawe vhu swayeaho na ḽifhasi. Ri a zwi ḓivha uri o khwaṱha nahone u ḓo ḓisa mvelelo kha komiti.”
Jessica Motaung o sumbedzisa dakalo ḽavho ḽa u tholiwa kha mushumo muswa, a livhuwa vhavhusi vha si gathi vhe vha mu thusa nḓilani.
- VHALANI HAFHU: Sundowns i vhea iṱo mugudisi wa Argentina
“Ndo takala nga ha lwendo ulwu nahone ndi na fulufhelo ḽa u isa phanḓa na u guda na u kovhelana tshenzhemo dzanga na dzhango, ACA na bola ya milenzhe ya Afrika Tshipembe nga u angaredza,” o ralo.
Translated by Nthaduleni Rolivhuwa
