Bafana yo tenda uri u bviswa ha phoindi zwia vhavha
U bviswa ha poindi kha Bafana Bafana nga u dzhenisa mutambi o imiswaho musi vha tshi tamba na Lesotho nga nwedzi wa Ṱhafamuhwe ndi zwithu zwi vhavhaho.
Fhedzi vhatambi vha khou lingedza u zwi hangwa sa izwi vha tshi khou sedza kha u wina mitambo yavho mivhili i tevhelaho u itela u ḓivhea kha vhuimo ha u dzhena kha World Cup ya ṅwaha u ḓaho.
Bafana Bafana i do tamba na Zimbabwe nga Lavhutanu tshitediamu tsha Moses Mabhida kha mutambo une vha tea u wina.
Mukaputeni wavho Ronwen Williams ori vha do shumisa mutambo na mutambo wa Rwanda u lugisa nyimele ine vha di wana vhe khayo.
“Ngoho zwo kwama muhumbulo washu nga murahu ha musi ro wana uri ho vha na vhukhakhi nga mulanguli wa thimu,” Williams o tenda nga Lavhutanu.
Vho amba izwo kha muṱangano wa vhoramafhungo ngei Durban musi Bafana Bafana i tshi swika ḓoroboni u itela u ṱangana na Zimbabwe.
“Fhedzi mutambi munwe na munwe ane a vha kha camp zwa zwino o diimisela u wina mutambo wa matshelo (Lavhutanu) nga zwikoro zwinzhi…
“Ngauralo a ri khou tamba na Zimbabwe, ri a zwi ḓivha zwavhuḓi uri vha na vhatambi vha nṱha vha ngaho Knowledge Musona, Khama Billiat na Marshall Munentsi.”
- VHALANI HAFHU : Kaizer Chiefs a i tei u sendela kule na Pitso Mosimane – Auseb
Nga murahu ha mutambo wa Mabhida une wa ḓo farwa nga awara ya vhuṱahe nga madekwana, Bafana i ḓo kona u livha Mpumalanga hune ya ḓo ṱangana na Rwanda kha mutambo wa u fhedzisela.
Mutambo wa u fhedzisela kha mitambo ya u khetha mitambo ya khaphu ya ḽifhasi u ḓo farelwa tshitediamu tsha Mbombela ngei Nelspruit nga Ḽavhuvhili ḽi ḓaho.
Translated by Nthaduleni Rolivhuwa
