Tso o amba ‘muhali’ Orlando Pirates ane a sa khoḓiwe
Mutambi wa kale wa Orlando Pirates, Vho-Benedict “Tso” Vilakazi, vho bula dzina ḽa mutambi ane a ri ndi phuphu ya thimu fhedzi vha sa dzhielwi nṱha na u sa dzhielwa nṱha nga mushumo wawe.
Musi a tshi khou amba kha Podcast yawe, Tso o amba mulindavhuno wa Blacks, Sipho Chaine, a tshi amba uri u khou isa phanḓa na u sumbedza vhuimo hawe kha thimu.
O amba uri hu sa londwi uri Orlando Pirates i tambisa vhatambi vhafhio murahu, u a zwi ḓivha uri luvhondo lu ḓo khwaṱha ngauri hu na Chaine murahu havho.
“Mutambi muthihi wa Orlando Pirates ane nda mu themba – ndi muthemba nga maanḓa – ane ha wani thendo dzo mu teaho…
“Ndi amba hezwi zwi tshi bva mbiluni yanga.Murathu wanga, Sipho Chaine! Kha ri sokou mu sedza ri ambe ngoho.
“Kha ino khalanwaha Sipho Chaine o vhewa kha vhulanguli ha vhatambi vhaswa phanḓa hawe – vhatukana vhaṱuku (Mbekezeli Mbokazi na Lebone Seema).
“Zwo vha zwi khae uri a vha lise.Ni a ḓivha uri zwi ṱoḓa mini u ranga phanḓa avha vhatukana vhaṱuku phanḓa haṋu sa mulindavhuno?
“edzani u humbula arali havha vhatukana vho vha vha tshi khou vuḓa, ndi nnyi ane a ḓo vhonwa mulandu arali ha dzhena zwikoro?Chaine, ngauri o vha a tshi ḓo vha o balelwa u gavha zwikoro.
“Zwa zwino vhathu vhothe vha kho khoda havha vhatukana vhavhili sa vhane vha vha vhavhudi vhukuma – a thi kho amba uri a vha vhavhudi, vha vhavhudi vhukuma.
“Fhedzi arali Chaine o vha a sa khou liswa na u gudiswa zwavhuḓi nga murahu, ni humbula uri vho vha vha tshi ḓo ita zwavhuḓi sa zwe vha ita?
“ kha ri ṋee Chaine zwine zwo mufanela , ri mu khoḓe, ri ri ‘no ita mushumo wavhuḓi wa u gudisa havha vhatukana’.”
Translated by Nthaduleni Rolivhuwa
