Sundowns i vhea iṱo mugudisi wa Argentina
Tshanduko ye ya vha yo lavhelelwa vhukuma kha Mamelodi Sundowns i nga fhedza yo itea hu si kale.
Vhafuni vha tshigwada tshine tsha vha Chloorkop vho thoma u sasaladza mugudisi Vho-Miguel Cardoso, vha tshi mu pomoka uri ndi muthu o kundelwaho.
Vha Sun vho pfa uri vhalanguli vha Mamelodi Sundowns vho thoma pulane dza u toda mugudisi ane a do vala tshikhala tsho siwaho nga Cardoso.
Tshisima tsho ri vhudza uri vhalanguli vha khou toda mugudisi wa Argentina Rudolfo Zapata uri a dzhie mushumo arali Cardoso a vhofhololwa.
“Sundowns i khou ḓilugisela u ḓisa Rodolfo Zapata Afrika Tshipembe,” ho amba tshisima, tshe tsha humbela u sa bulwa dzina.
“Fhedzi-ha, vha kha khanedzano na Al Ahly sa izwi na vhone vha tshi khou ṱoḓa Zapata. Ni ḓo humbula uri mugudisi Rodolfo Zapata a si muswa Afrika Tshipembe na tshipembe ha Afrika.”
Zapata o vhuya a gudisa thimu ya Mpumalanga Black Aces Afrika Tshipembe u bva nga 2011 u swika nga 2013, phanḓa ha musi a tshi pfulutshela Botswana he a gudisa Township Rollers na Gaborone United.
Zwazwino ha na thimu nga murahu ha musi o ṱutshela Montego Bay United ngei Jamaica he a fhedza ṅwaha muthihi hone.
U dovha a vha na vhushaka na mugudisi wa Sundowns Cardoso, we a sasaladzwa nga vhaḓivhi vha nga ngomu ha kilabu vhane vha ri ha khou isa thimu phanḓa.
- VHALANI HAFHU:Mulaedza wa Spurs kha Velebayi na Baartman
Kha ino khalanwaha, Sundowns yo no ḓi xelelwa nga zwiphuga zwivhili – kha MTN8 na Carling Knockout – sa izwi yo no xelelwa nga jesi yayo.
Translated by Nthaduleni Rolivhuwa
