Mulaedza wa Spurs kha Velebayi na Baartman

Tshigwada tsha Cape Town Spurs, nga kha CEO wa tshigwada Vho-Alexi Efstathiou, vho fhindula kha tsheo ya Muhaṱuli wa Safa ya u ṋea tshigwada tsha Kaizer Chiefs thendelo ya u shumisa Asanele Velebayi na Luke Baartman.

Muhaṱuli wa Safa – Vho-Hilton Epstein – vho dzhia tsheo ya uri Spurs i tea u bvisa vhurifhi ha thendelo ya uri Velebayi na Baartman vha kone u tamba kha Chiefs.

Efstathiou vho amba uri mveledziso yavho ya vhatambi a si vhubindudzi fhedzi, fhedzi ndi u sedza kha mveledziso ya bola ya milenzhe nga u angaredza.

“Ro no vha kha bindu ḽa u bveledza vhatambi lwa miṅwaha ya 30 nahone ri phanḓa kha zwenezwo.A ro ngo vhea tshelede fhedzi fhedzi ro vhea na lufuno, tshifhinga na vhuṱali kha mutambo.

“Naho ro ṱanganedza tsheo, ro sedzana na mbudziso ya uri ri ḓo isa hani phanḓa na mushumo wa u bveledza vhatambi arali vha tshi ḓo fhedza vho zwi ita nga heyi nḓila?,” ho amba Efstathiou.

Spurs yo dovha ya talutshedza uri vha kha di do tangana na vho ramilayo vhavho vha tshi khou amba nga ha ndila ine vha do isa phanda, zwine zwa amba uri a vha athu u ḓi ṋea tshifhinga.

“Ri ṱoḓa nḓila i re khagala kha masia mavhili.Tsha u thoma ndi u lugisela thimu yashu musi ri tshi khou livha kha ABC Motsepe League.

“Tsha vhuvhili ndi u sedza mbadelo dzine dza fanela u badelwa vhatambi vhane vha bva kha gammbani yashu.”

Zwi kha di do vhonala uri ndi maga afhio ane Spurs ya do a dzhia sa izwi vha tshi ri vha ṱanganedza na u ṱhonifha tsheo ya Safa fhedzi vha dovha vha amba nga ha u ṱangana na vho ramilayo vhavho.

• VHALANI HAFHU: Tso o amba ‘muhali’ Orlando Pirates ane a sa khoḓiwe

Zwi kha ḓi konadzea uri thimu i nga nanga u ṋaṋisa mafhungo aya, zwine zwa nga lenga tshifhinga tsha vhatambi tsha u tamba kha thimu yavho ntswa.