Khaṱhulo ya mulandu wa Velebayi na Baartman yo bva
Ho no fhela dzi vhege, vhuimo ha vhatambi vhavhili vhaswa, Asanele Velebayi na Luke Baartman, vhu sa athu pfala nga ṅwambo wa nndwa ya mulayo.
Kha ḽiṅwe sia, ho vha hu na Kaizer Chiefs, ye ya vha i tshi khou fhela mbilu musi vhatambi vhayo vhaswa vha ṱhonifheaho vho dzula vha sa tambi, vho lindela u fhela ha mulandu.
Kha ḽiṅwe sia, ho vha hu na Cape Town Spurs, ye ya vha yo omisa ṱhoho vha tshiri avha vhatambi vha kha ḓi vha vhavho, vha kha ḓi vha na thendelano navho.
Muhaṱuli kha yeneyi khanedzano?: Hilton Epstein. Hoyu muhaṱuli wa Safa o vha o fara khii dza vhumatshelo ha vhatambi avha.
Kha vhatambi vhone vhaṋe, u lindela zwo vha zwi tshi vhavha. Vho vha vhe na muloro wa u tamba kha Kaizer Chiefs, nahone vho vha vho lavhelela u dzhena mudavhini FNB Stadium vha takadza magogo a vhatikedzi
Fhedzi vho vha vha tshi fanela u lindela sa izwi vhumatshelo havho vhu tshi kha ḓi vha mulandu une wa khou bvela phanḓa. Fhedzi mafhungo madifha o bvelela khavho na kha Chiefs.
Tsheo i ngomu.Tsheo iyi ya tshiofisi i bvaho kha Epstein yo rumela magabelo a dakalo kha muṱa wa Amakhosi.
Tsheo i khagala, nahone ndi ya u fhedzisela: avha vhatambi zwino vho vhofholowa u tamba kha Kaizer Chiefs.
Kha vhukando ha tsheo vhune ha khwaṱhisedza pfanelo dza vhatambi, muhaṱuli Vho-Hilton Epstein vho bvisa khaṱhulo ine ya fhelisa tshigwada tsha Cape Town Spurs.
- VHALANI HAFHU: Iṅwe tshanduko kha Bafana – Mutambi wa phanḓa o ḓibvisa
Ro tendela avha vhatambi na kilabu yavho ntswa, nahone ri na tshithu tshithihi tshine ra nga amba: Velebayi na Baartman zwino vha nga ṅwaliswa nga u ṱavhanya vha thoma mishumo yavho kha Kaizer Chiefs.
Translated by Nthaduleni Rolivhuwa
