Iṅwe tshanduko kha Bafana – Mutambi wa phanḓa o ḓibvisa
Ndugiselo ya Bafana Bafana yo thithisea hafhu sa izwi ho khwathisedzwa uri mutambi wa phanḓa Iqraam Rayners o bva kha tshigwada.
Rayners o vhofhololwa nga matsheloni a Ḽavhuvhili nga ṅwambo wa zwiitisi zwa mutakalo zwi songo ḓivheaho.
O rumelwa murahu kha kilabu yawe ya Mamelodi Sundowns u itela u alafhiwa.
Izwi zwo kombetshedza mugudisi wa Bafana Bafana Vho-Hugo Broos uri vha ṱoḓe muṅwe mutambi ane a nga dzhia vhudzulo hawe.
O dovha a vhidza mutambi wa Orlando Pirates ane a pfi Evidence Makgopa, we a swika nga matsheloni u itela u ṱanganela na vhatambi ngae kha tshigwada phanḓa ha mitambo ya ndeme ine ya ḓo thoma mafheloni a vhege.
- vhari wana kha facebook| facebook.com/profile.
Mafhungo madifha ndi a uri Makgopa a si muswa kha thimu nahone u na tshenzhemo ya vhudi ya dzitshaka zwine zwa khou lavhelelwa u thusa musi Bafana Bafana i tshi khou lugisela mitambo mivhili ya ndeme ya u dzhena kha World Cup.
Bafana Bafana i do tangana na Warriors of Zimbabwe ngei Durban nga Lavhutanu ubva afho vha ya Nelspruit u tangana na Mavubi a Rwanda nga Lavhuvhili li daho.
Zwi tshi khou ralo, mugudisi Vho-Hugo Broos vhari vha na fulufhelo ḽa uri thimu yavho i ḓo ita zwo teaho kha mitambo iyi mivhili u itela u dzhena kha World Cup.
“Ndi tenda kha tshigwada itshi tsha vhatambi nahone ndi na vhutanzi uri vha do ita zwothe zwine vha nga kona u wina mutambo (na Zimbabwe) nga Lavhutanu.”
“Arali hu na thimu ine ya fanelwa nga u ya kha World Cup, ndi Afrika Tshipembe” ndi Vho-Broos.
Translated by Nthaduleni Rolivhuwa
