Mutambi wa Chiefs u ḓo ḓadza tshikhala tsha Mofokeng kha Bafana
Bafana Bafana yo ṱangana na khaedu khulwane musi muṅwe wa vhatambi vhayo vhane vha vha fulufhela vhukuma, Relebohile Mofokeng, o bva kha tshigwada phanḓa ha mitambo ya ndeme.
Tshanduko iyi i khou ḓa phanḓa ha mitambo ya ndeme ya thimu ya lushaka ya u khwaḽifaya kha Tshiphuga tsha Ḽifhasi tsha FIFA tsha 2026 na Zimbabwe na Rwanda.
Rele Mofokeng, we a vha e kha fomo yavhuḓi kha Orlando Pirates ino khalaṅwaha, o kombetshedzea u bva kha thimu nga ṅwambo wa u huvhala.
Mutambi uyu hu tendiwa uri o tamba o huvhala musi Pirates i tshi tamba na Siwelele FC mafheloni a vhege kha mutambo wa Carling Knockout.
U bva hawe zwo sia tshikhala tshihulwane kha tshigwada tsha Hugo Broos tshine tsha khou toda vhatambi vhatsho vhothe kha mitambo ine ya khou ḓa.
Muṅwe muswa ane a khou fulufhedzisa, Mduduzi Shabalala Shabalala, o nangiwa sa ane a ḓo dzhia vhudzulo ha Rele Mofokeng kha tshigwada tsha Bafana Bafana.
U vhidzwa hawe zwi fanela u ṋea Shabalala fulufhelo ḽihulwane, ngauri o vha e kha fomo yavhuḓi kha thimu ya Naturena kha ino khalaṅwaha.
Shabalala o vha e kha tshigwada tsha u thoma tsha vhatambi vha 45 tsho bulwaho nga Broos,
Fhedzi ho ngo katelwa kha tshigwada tsha u fhedzisela tsha vhatambi vha 23 tsho bulwaho vhege yo fhiraho.
Fhedzi zwino o wana tshikhala tsha u ḓi sumbedza kha Broos gym uri a kone u dzhena kha tshigwada tsha ḓuvha ḽa mutambo kha mitambo mivhili iyi ya ndeme.
Bafana Bafana i tea u wina mitambo yothe, nahone nga murahu ya fulufhela uri Benin i do kundwa kana u ita draw kha munwe wa mitambo wayo.
- VHALANI HAFHU : Ngoho i vhavhaho: Hugo Broos o amba nga ha Basadien kha Bafana
Heyi ndi yone nḓila nthihi fhedzi ya u khwaṱhisedza uri Bafana Bafana i ḓo dzhena kha Tshiphuga tsha Ḽifhasi tsha ṅwaha u ḓaho zwi tshi tevhela u bviswa ha phoindi tharu zwenezwino.
Translated by Nthaduleni Rolivhuwa
