Appollis o fha Mbokazi hafu ya 100k yawe 

 Mutambi wa Pirates Oswin Appollis o nangiwa sa Munna wa mutambo musi vha tshi tamba na Siwelele fhedzi Appollis o pfha uri mutambi ngae Mbokazi o fanelwa nga pfufho iyo.

Mutambi wa Orlando Pirates Oswin Appollis o ṋetshedza hafu ya tshelede yawe ya Munna wa Mutambo kha mutambi ngae Mbekezile Mbokazi nga murahu ha vhuhali hawe kha khaphu ya Carling Knockout.

Mutsireledzi wa minwaha ya 20 o kora tshikoro tsha u kunda kha Buccaneers musi vha tshi tamba na Siwelele nga Mugivhela nga masiari ngei Orlando.

Musi mutambo u tshi khou livha kha tshifhinga tsho engedzwaho, Mbokazi o bvisa bola i bvaho kha 30 yards out a ṋea Buccaneers gundo ḽo lwiwaho nga maanḓa nga 1-0.

Appollis we a ṋewa pfufho ya munna wa mutambo o amba nga murahu ha mutambo uri u ḓo kovhelana R100 000 ya tshelede ya pfufho na Mbokazi.

“Ndi ḓo tea u fhungudza [tsheke yanga] ngauri ndi tsho vha thikoro tshi mangadzaho. Ndi ḓo kovhelana nae.”

U kunda nga Mugivhela zwo ita uri Buccaneers i engedze mutevhe wayo wa u kunda u swika kha mitambo ya malo kha miṱaṱisano yoṱhe.

Orlando Pirates yo kundwa nga murahu ha mitambo mivhili ya u thoma ya ligi fhedzi ubva tshe ya wana mulenzhe wayo i khou ita zwithu kha ino khalanwaha.

Sa vhunga vho no wina tshiphuga tsha MTN8 kha ino khalanwaha, Buccaneers zwino i khou ṱoḓa u wana Carling Cup, ine yo vha ṱutshela lwa miṅwaha ya 13.

• VHALANI HAFHU: Mugudisi wa Chiefs kha Mayo na Lilepo

Vhothe Appollis na Mbokazi vho vha vha tshi khou tamba mutambo wavho wa u thoma wa Carling KO kha Sea Robbers nahone khamusi u vha hone havho kha thonamennde iyi zwi nga vha tshithu tshine tsha vha ṱuṱuwedza.

Mbokazi ndi wa vhudi u swika ngafhi?

Translated by Nthaduleni Rolivhuwa