Tshanduko khulwane dza vhugudisi kha Orlando Pirates FC
Ho no itwa tshanduko khulwane dza vhagudisi kha Orlando Pirates FC. Hezwi ndi zwidodombedzwa zwoṱhe zwa ndeme zwine na fanela u zwi ḓivha nga hazwo.
Orlando Pirates FC yo shandula vhagudisi vhayo vha 2025/26.
Kiḽaba yo khwaṱhisa vhashumi vhayo vha u gudisa thimu ya u thoma na u thola mugudisi muswa wa Diski Challenge.
Abdeslam Ouaddou u kha ḓi vha munna ane a khou langa, naho zwo ralo u ḓo vha na ṱhoho nthihi i fulufhedzeaho ine a nga ḓitika ngayo kha mitambo yawe i ḓaho!
Uya nga ha mivhigo ya zwenezwino, Orlando Pirates yo ṱoḓa muthusi mugudisi muswa wa thimu ya u thoma kha Ouaddou.
Mugudisi wa thimu ya reserve na muḓivhalea wa kilabu Vho Joseph Makhanya vho huliswa vha ya kha thimu ya u thoma.
- vhari wana kha facebook| facebook.com/profile.
Uya nga ha gurannḓa ya IDiski Times, Vho-Makhanya vha ḓo shuma sa muthusa mugudisi khathihi na Vho-Mandla Ncikazi na Vho-Rayaan Jacobs.
U dzhiela vhudzulo Vho-Makhanya sa mugudisi muhulwane wa diski challenge ya Orlando Pirates ndi Vho-Roscoe Krieling.
Krieling o dzhena kha tshigwada tsha Buccaneers nga murahu ha u fhela ha tshigwada tsha SuperSport United tshe tsha rengwa nga tshigwada tsha Siwelele FC.
“Joseph Makhanya o ṋewa mushumo muswa wa u thusa Abdeslam Ouaddou, ngeno tshigwada tsha DDC tsha Orlando Pirates tsho vhuya na mugudisi muswa muhulwane ngei Roscoe Krieling,” ho vhiga khandiso.
- VHALANI HAFHU: Majoro una lutamo luhulu lwa bola ya milenzhe dzapo
Makhanya hu khou vhigwa uri u ḓo dovha a langa mbekanyamushumo yoṱhe ya u shanduka u bva kha academy, u ya kha thimu ya reserve u ya kha thimu ya u thoma .
Translated by Nthaduleni Rolivhuwa
