Siya kolisi u khou yo tamba na All Blacks fhedzi a si mukapuṱeni 

Springbok yo bvisela khagala thimu ine ya vha na tshenzhemo ine ya do tangana na All Blacks, fhedzi huna khuwelelo i takadzaho kha vhukapuṱeni.

Kha mutambo wa Mugivhela uno na All Blacks ngei Eden Park, mugudisi wa Springbok Vho-Rassie Erasmus vho ita tshanduko nṋa fhedzi kha thimu ya u thoma ye ya kunda Wallabies ngei Kapa.

Khamusi zwi takadzaho vhukuma ndi uri Jesse Kriel u kha ḓi vha mukapuṱeni naho Siya Kolisi o tendelwa u thoma kha No 8.

Musi a tshi amba nga ha tsheo ya u ṋea Kriel vhukapuṱeni nṱhani ha u ṋea vhukapuṱeni wa tshifhinga tshoṱhe Kolisi, Erasmus o ri:

“Siya o vha a tshi fara a tshi litsha kha mutambo mathomoni a vhege nga murahu ha u dzhia niggle vhege dzi si gathi dzo fhiraho,

Ro vha ri sa ṱoḓi u mu vhea khomboni zwi sa ṱoḓei, fhedzi nga Jean-Luc du Preez o vha a tshi khou dzhia niggle iyi, Siya o vha a tshi khou lila. Tsheo i re khagala ya u dzhena kha No 8.

“Nga tshenetsho tshifhinga, Jesse o vha o no vhudzwa uri u ḓo vha mukapuṱeni, nahone zwo vha zwo tea uri ri vhulunge zwithu nga yeneyo nḓila.

Ndi murangaphanḓa wavhuḓi na muṅwe wa vhatambi vha ndeme kha thimu yashu.

Vhudavhidzani hawe na muhaṱuli na vhane a tamba navho ndi havhuḓi, nahone u ranga phanḓa nga tsumbo nga nḓila ine a tamba ngayo, ngauralo o fanelwa nga tshikhala itshi.

“Zwi ḓo dovha zwa vha tshiitea tshihulwane khae u vha mulangi wa thimu musi a tshi lwa na All Blacks lwa u tou thoma.

• Vhalani hafhu : Mutambi wa kale wa Chiefs u khou todiwa hothe hothe 

Ngauralo ri a ḓihudza nga Jesse, nahone ri a zwi ḓivha uri u ḓo hwala vhuḓifhinduleli uhu nga u ḓikukumusa huhulwane.”

Translated by Nthaduleni Rolivhuwa