Mariko o bvisela khagala zwe zwa ita uri a khethe Bucs

Mutambi muswa wa Orlando Pirates, Abdoulaye Dine Mariko, o khwaṱhisedza uri o vha a tshi funeswa nga thimu dza Afrika Tshipembe musi a sa athu nanga thimu khulwane dza henefho.

Nga murahu ha u tamba kha kilabu yawe ya kale ya Djoliba FC, Abdoulaye Dine Mariko o bvisela khagala  tshivhalo tsha kilabu dze dza vha dzi na dzangalelo khae.

Mariko o fhedza o nanga u pfulutshela kha Pirates, a hana ofa nnzhi dzi bvaho nnḓa ha shango.

Pirates yo sumbedza maanḓa ayo a makete kha heyi fasiṱere ḽa u fhirisela.

Mutambi uyu we a nangiwa sa mutambi wa khwine kha ligi ya ntha ya Mali kha khalanwaha yo fhelaho, ndi munwe wa dzi ṋaledzi dze Pirates ya dzi renga.

Zwino, mutambi wa vhukati ane a dzhia zwikoro o bvisela khagala uri a si Buccaneers fhedzi ye ya vha i na dzangalelo khae.

“Ho vha hu na zwigwada zwo vhalaho zwe zwa kwamana na nṋe u mona na shango, u fana na ngei Egipita, Morocco, Tunisia, na Algeria.

“Fhedzi ndo dzhena kha Orlando Pirates Afrika Tshipembe.Ndi iṅwe ya kilabu khulwanesa kha dzhango,” Mariko o vhudza Africa Foot.

“Pirates yo sumbedza dzangalelo ḽihulwane kha nṋe, nga zwenezwo, ndo dzhia phetho ya u ṱanganela navho.

“Tshiṅwe tshithu tshe tsha nkunga ndi tsha uri ligi ine vha tamba khayo ndi iṅwe ya dzine dza langiwa nga nḓila ya vhuphurofeshinaḽa nahone ndi iṅwe ya khwine kha dzhango.”

U bva tshe Mariko a dzhena kha Pirates, o no tamba mitambo miṱanu kha mitambo ya fumi-malo ye thimu ya i tamba.

• VHALANI HAFHU : Al Ahly yo fhelisa thendelano ya Jose Riveiro

O sumbedza uri ndi mutambi ane a ḓo fhedza o swika nṱha musi o no ḓowela bola ya milenzhe yapo.

Translated by Nthaduleni Rolivhuwa