Yeye o nangwa sa mugudisi muswa wa thimu ya Botswana
Mutambi wa kale wa thimu ya Kaizer Chiefs na Bafana Bafana Vho Reneilwe “Yeye” Letsholonyane vho nangiwa sa mugudisi muswa wa thimu ya Botswana FNB Premiership Matebele FC.
Uya nga ha vhathu vhane vha vha tsini na nyambedzano, mutambi wa minwaha ya 43 o saina thendelano ya minwaha mivhili.
Hezwi zwi swaya mushumo wawe wa u thoma wa u vha mugudisi muhulwane.
Letsholonyane, ane a vha na Ḽaisentsi ya Caf A, u na tshenzhemo khulwane ya vhugudisi sa izwi tshifhingani tsho fhiraho o vha e tshipiḓa tsha tshigwada tsha vhagudisi vha thimu dza lushaka dza Afrika Tshipembe vha re fhasi ha miṅwaha ya 20.
Vho no shuma na kha mitambo ya Cosafa Cup na CHAN na Bafana Bafana.
Vho dovha vha shuma kha DStv Diski kha tshigwada tsha AmaZulu FC, vha ḓiitela dzina sa mugudisi wa vhaswa.
Mugudisi o bebwaho Soweto u ḓo ṱanganela na mutambi wa Afrika Tshipembe Owen Da Gama kha mitambo ya Premier League ya Botswana.
Zwazwino Da Gama ndi ene ane a khou langa Black Lions.
Zwo ṱangana, mutambo wa u thoma wa Letsholonyane a tshi khou langa u ḓo vha na Da Gama.
Matebele, ine zwenezwino ya rekhoda gundo ḽayo ḽa u thoma kha khalanwaha,
Yo kunda Morupule Wanderers nga 6-2, zwa zwino i kha vhuimo ha vhufumi kha mutevhe.
Hezwi zwi khou ḓa nga murahu ha u kundwa mitambo mivhili nga u tou tevhekana.
Vhaofisiri vha kilabu vha na fulufhelo la uri vhurangaphanda ha Letsholonyane vhu do dzikisa thimu.
- Vhalani hafhu : Al Ahly yo fhelisa thendelano ya Jose Riveiro
Kha Yeye, hezwi zwi swaya ndima ntswa i takadzaho kha mushumo wawe nga murahu ha u tamba, musi a tshi thoma lwendo lwa u vha mugudisi o ḓiimisaho nga eṱhe.
Translated by Nthaduleni Rolivhuwa
