Al Ahly yo fhelisa thendelano ya Jose Riveiro
Al Ahly yo pandela Jose Riveiro nga murahu ha minwedzi miraru fhedzi a tshi khou langa tshigwada tsha Egypt.
Mutambo wa u fhedzisela wa Riveiro na Al Ahly wo fhela nga u kundwa nga 2-0 nga Pyramids nga Mugivhela nga madekwana.
Red Devils yo kundwa lwa u thoma kha ino khalanwaha nahone ya ḓi wana i kha vhuimo ha vhu 12 kha maimo a ligi ya Egyptian Premier League nga murahu ha mitambo miṋa.
Nga Swondaha, tshigwada tsho ḓivhadza uri thendelano ya mugudisi muhulwane wa kale wa Orlando Pirates yo fheliswa nga thendelano ya vhoṱhe.
“Kiḽaba yo livhuwa Vho José Ribeiro, mulanguli wa thekhinikhala wa thimu ya u thoma ya bola ya milenzhe na assory yawe lwa tshifhinga tsho fhiraho, nahone vhushaka ha thendelano ho fheliswa nga thendelano ya vhoṱhe,” kilabu yo kovha kha tshitatamennde.
- vhari wana kha facebook| facebook.com/profile.
“Hezwi zwo ḓa nga murahu ha miṱangano ya Komiti ya Pulane hu na Mukapuṱeni Mahmoud Al-Khatib, Muphuresidennde wa kilabu, na Mukapuṱeni Mohammed Youssef, Mulanguli wa Mitambo, ye ya thoma nga awara ya fumi-nthihi matsheloni ano nahone ya fhedza awara dzo vhalaho, nga tshifhinga tshee mivhigo yo ṋetshedzwaho nga mulanguli wa mitambo na mulanguli wa thekinoḽodzhi wa, phetho ya ḓa.”
Jose Riveiro o kunda luthihi fhedzi kha mitambo miṋa ya ḽigi .
“Kha sesheni yayo na José Ribeiro, komiti yo khwaṱhisedza u livhuwa hayo zwe a zwi ita u bva tshe a dzhena tshiduloni.
“Na uri o ita vhuḓidini vhuhulwane, fhedzi mvelelo a dzo ngo thusa u fhedza tshenzhemo, nga tshifhinga tshine kilabu ya ṱoḓa u swikelela zwipikwa zwihulwane zwa vhatikedzi vhayo kha miṱangano yapo na ya u fhedzisela ya dzhango.
- VHALANI HAFHU: Broos o bvisela khagala zwe zwa vhuisa Mudau Chloorkop
“Ya tshigwada tsha thekhinikhala tshine tsha ḓo ranga phanḓa thimu nga tshifhinga tsha luṱa lu tevhelaho,” tshitatamennde tsho guma nga u ralo.
Translated by Nthaduleni Rolivhuwa
