Mohau Nkota o pembelela ukora ngei Saudi
Mohau Nkota o kora tshikoro tsha u thoma tsha Al Ettifaq musi vha tshi kunda Al Kholood nga 2-1 kha mutambo wa u vula wa khalanwaha ya Saudi Pro League tshitediamu tsha EGO nga Ḽavhuṋa.
Vhatambi vha Orlando Pirates vho dzhia tshikoro nga miniti ya vhusumbe phanḓa ha musi Al Kholood i tshi linganisa nga John Buckley mimunithi ya fusumbe hu sa athu fhela tshifhinga tsha u awela.
Mutambi wa kale wa Liverpool Georginio Wijnaldum o vhuisa Al-Ettifaq phanḓa nga murahu ha musi ho no fhela awara u itela u khwaṱhisedza gundo.
Nkota o tamba mutambo wothe, ndi lwa u thoma u tamba lwa tshiofisi ubva tshe a saina kha tshigwada.
Ho dovha ha vha ḓuvha ḽi sa hangwei kha Nkota, we a ṅwalwa kha tshigwada tsha u fhedzisela tsha Bafana Bafana tsha mitambo ya u khetha ya Tshiphuga tsha Ḽifhasi tsha 2026 na Lesotho na Nigeria.
O tamba lwa u thoma kha thimu yawe ya lushaka kha mutambo wa vhukonani na Tanzania na Mozambique nga ṅwedzi wa Ṱhangule.
Zwino u do tamba mutambo wawe wa u thoma kha Bafana arali Broos a mu nanga kha mitambo ine ya khou da.
U tamba hawe nga Ḽavhuṋa zwo sumbedza uri Nkota o ṱavhanya u ḓowela vhutshilo ha Saudi Arabia nahone a nga ita mvelelo nga hu leluwaho kha thimu ya lushaka.
Sa vhunga o thoma fulo ḽa Saudi Pro League nga gear ya nṱha, zwi ḓo ṋea Nkota fulufhelo ḽihulwane phanḓa ha musi a tshi vhuyelela kha thimu ya lushaka.
- VHALANI HAFHU : Ndo vha ndi tshi ṱoḓa u litsha bola ya milenzhe’- Makhehlene
Zwino u khou livha Afrika Tshipembe hune a ḓo shuma na thimu ya lushaka phanḓa ha musi a tshi vhuyelela kha Al Ettifaq, ine ya ḓo ṱangana na Al Ahli hayani nga ḽa 12 Tshimedzi.
Translated by Nthaduleni Rolivhuwa
