Ndo vha ndi tshi ṱoḓa u litsha bola ya milenzhe’- Makhehlene

Mutambi wa Orlando Pirates Vho-Makhehlene Makhaula vho bvisela khagala uri vho vha vhe tsini hani na u litsha bola ya milenzhe vha sa athu dzhena kha tshigwada tshihulwane tsha Betway Premiership.

Mutambi wa vhukati wa Orlando Pirates Vho-Makhehlene Makhaula vho tenda uri vho vha vha tshi ṱoḓa u ṱuwa kha mutambo musi tshifhinga tshi sa athu u vha kokodzela kha Sea Robbers.

Mutambi wa miṅwaha ya 35, ane a ḓo fara miṅwaha ya 36 nga ṅwedzi wa Lambamai, u bva tsheetsho o bvela phanḓa na u vha muṅwe wa phuphu dza vhukati ha Orlando Pirates,

A takusa zwiphuga zwiraru nahone a ita na u ṋewa khare ya Mutambi wa Vhukati wa Betway Premiership wa Khalanwaha. Fhedzi nḓila ya fhano yo vha i kule na u ṱamba.

Musi a tshi amba kha ḽiṅwalo ḽiswa ḽa kilabu, mutambi wa bola ya milenzhe o bebwaho Randfontein o vula nga ha tshifhinga tshe u timatima ha ṱoḓa u mila mushumo wawe.

“Ndi humbula ndi tshi ṱoḓa u ḓidzima,” ho amba mutambi ane a ḓivhiwa sa ‘Shoes’. “Ndo vha ndi tshi humbula uri zwo fhela.U bva Highlands Park u ya kha COVID, u ya kha team i tshi khou rengiswa

“Musi muimeleli wanga a tshi nfounela, a ri, ‘Cash, Pirates i khou ṱoḓa u ni saina.’ Nda mu vhudza uri, ‘A zwi konadzei.’”

“Ndo muvhudza uri ndi na 34. Pirates i nga nṱoḓa hani ndi na 34, ho vha hu na ṱhoho nnzhi dza mafhungo, dziṅwe dzi si dzavhuḓi, dzi tshi ri Makhaula ndi muhulwane na zwiṅwe-vho.

Vhalani hafhu : Nabi ha ngo takala nga kushumele kwa Kaizer Chiefs

“Fhedzi ri livhuwa Mudzimu na makhulukuku washu, vhane ra dzulela u vha itela khumbelo. Vha a ḓivha nḓila dze vha ri vhetshela dzone.”

Translated by Nthaduleni Rolivhuwa