Nabi ha ngo takala nga kushumele kwa Kaizer Chiefs
Mugudisi muhulwane wa Kaizer Chiefs Vho-Nasreddine Nabi vho amba nga mutambo wa thimu yavho na Mamelodi Sundowns nga 0-0 nga madekwana a Lavhuraru.
Mugudisi wa minwaha ya 60 o vha e kha bench lwa u thoma kha ino khalanwaha nga murahu ha musi o dalela mufumakadzi wawe ngei Tunisia.
Amakhosi yo divhadza uri Nabi u do vha a siho u vha na mufumakadzi wawe we a wana khombo khulu mathomoni a uno nwedzi.
Musi a siho, Khalil Ben Youssef o dzhia vhuimo nahone a livhisa vhatukana vha Glamour kha u kunda luraru nga u tou tevhekana.
Nga Ḽavhuraru, Nabi o vhuya a ṱalela Kaizer Chiefs i tshi tamba na Masandawana nga nḓila i si na zwikoro.
“Ndi ngoho, zwi tou nga zwi a ṱungufhadza ngauri ro vha ri tshi tenda uri ro vha ri tshi nga wana phoindi tharu.
Fhedzi na hone ho vha hu na thimu yavhuḓi phanḓa hashu.
Ri na u ḓisola huṱuku nga u sa wana phoindi o tharu ṋamusi fhedzi ri ḓo shuma na u ṱoḓa vhumatshelo,” Nabi o vhudza SuperSport.
“Ndi nga amba uri kha hafu ya u thoma ro vha ri tshi khou tambula nyana, fhedzi ro vha ri tshi khou ṱoḓa u sia vhuimo kha vhapikisi ngauri ri a zwi ḓivha uri a si thimu ine ya fhedza zwavhuḓi hoyu mutambo.
“Fhedzi kha hafu ya vhuvhili khathihi na u shandukiswa ha vhuṱali vhukati ha mudavhi, zwo ri tendela u vha nṱha nyana na u tsikeledza nṱha na u dzula kha mulenzhe wa phanḓa.
“Ro vha ri na zwikhala fhedzi mashudu mavhi, a ro ngo kona u zwi shandukisa.”
“Ndi ngoho uri a ri athu kundwa, fhedzi ri tenda uri ṋamusi ro vha ri tshi nga wana zwinzhi.
- Vhalani hafhu:Ouaddou o khwaṱhisedza mafhungo a si avhuḓi a Mofokeng
” fhedzi ri na vhuṱanzi ha uri ri kha nḓila yo teaho nahone ri ḓo shuma zwinzhi na u vha khwine kha mutambo u tevhelaho.”
Translated by Nthaduleni Rolivhuwa
