Ouaddou o bvisela khagala vhukhakhi ha Pirates naho yo no khwiṋiswa
Mugudisi wa Orlando Pirates Vho Abdeslam Ouaddou vho takala nga mvelelo sa izwi mutambo wa Lavhuraru wo sumbedza uri huna mvelaphanda.
Pirates yo wina mutambo wayo wa vhuvhili kha ligi ya Betway, yo kunda Orbit College nga 1-0 tshitediamu tsha Orlando nga Ḽavhuvhili vhusiku.
Fhedzi mugudisi o bebwaho Morocco ha fushei nga zwiṅwe zwithu. O zwi bvisela khagala nga murahu ha mutambo.
“Ndo takala vhukuma nga mvelelo.Ndi fhululedza vhatambi ngauri a zwo ngo leluwa u tamba zwavhuḓi nga murahu ha mutambo u konḓaho u fana na wa Mamelodi Sundowns,” ho amba Ouaddou.
“Ro zwi vhona kha hafu ya u thoma – zwo vha zwi tshi konḓa vhukuma ndi ngazwo ro kombetshedzea u ita tshanduko nga tshifhinga tsha u awela.”
Musi hu sa athu thoma tshipiḓa tsha vhuvhili, Ouaddou o bvisa Sihle Nduli, Abdoulaye Mariko na Deon Hotto.
Vhudzulo havho ho dzhiiwa nga thalente mbatha, sipho mbule na nkosikhona ndaba vhe vha dzhena vha ita phambano.
“Ro vha ri tshi ṱoḓa u vhulunga bola, zwine ndi zwone zwe ra vha ri tshi zwi ṱoḓa kha hafu ya u thoma fhedzi ro vha ri tshi kha ḓi sa kona u zwi ita,” ho bvela phanḓa Ouaddou.
“Ro mbo ḓi dzhia tsheo ya u ḓisa vhatambi vhane vha nga kona u vhulunga bola na u i tamba phanḓa – vhane vha nga dovha vha ita pass yavhuḓi.
- vhari wana kha facebook| facebook.com/profile.
“Ro vha ri tshi zwi ṱoḓa ngauri ro vha ri murahu, ro vha ri tshi khou xelelwa nga bola kha tshipiḓa tsha u thoma.”
O mbo ḓi vhudziswa uri o wana naa tshikimu tshawe tshine tsha ḓo wina kha ino khalanwaha.
“Ndi mbudziso i konḓaho. Ndi vhona u nga ri kha ḓi vha na zwigwada zwivhili zwa Pirates – a thi tendi uri ri kha ḓi vha na fomo yo teaho.
“Ndivho ndi u tamba nga ndila ye ra tamba ngayo kha hafu ya vhuvhili na Sundowns kha mutambo wa u thoma wa MTN8.
- Vhalani hafhu : Kaizer Chiefs yo saina mutambi wa vhuvhili u bva kha Sundowns
“Ndi fomo ine ra i ṱoḓa, ndi mbofholowo kha bola ine ra i ṱoḓa. U vhulunga bola na u ṱuwa nayo mambuleni na u sika zwikhala zwavhuḓi.
Translated by Nthaduleni Rolivhuwa
