Mutambi muswa wa Pirates u ṱoḓa medala wa musuku wa MTN8
Mutambi wa winger wa orlando pirates kamogelo sebelebele u khou lora zwihulwane.
Musi mutambo wa u fhedzisela wa MTN8 u tshi khou ḓa, ṋaledzi yo bebwaho Tembisa i na medala ya musuku muhumbuloni wawe.
Mutambi wa Orlando Pirates Kamogelo Sebelebele o no ḓi vhea zwipikwa zwawe zwa u takusa zwiphuga zwa siliva nga murahu ha u bveledza muṅwe mutambo wavhuḓi kha semi-fainala ya MTN8.
Mutambi wa minwaha ya 23 o dovha a kora musi Buccaneers i tshi tamba na Sundowns nga 1-1 ngei Tshwane, phanḓa ha musi i tshi khwaṱhisa gundo ḽa 4-1 nga dziphenaḽa.
Tshipikwa tshenetsho tsho vha tshi tshiṱiraiki tsha vhuraru tsha Sebelebele kha mitambo miraru i tevhelaho kha Orlando Pirates, na pfufho mbili dza Munna wa Mutambo kha mbambe nthihi.
“Ndi khou ṱoḓa u thoma nga u livhuwa Mudzimu nga tshikhala, nga vhukoni na mugudisi nga u nfulufhela na u nṋea tshikhala tsha u tamba kha Orlando Pirates,” ho amba mutambi wa kale wa TS Galaxy.
“Hoyu mutambo wo vha u songo leluwa. Ro thoma nga u ongolowa. A ro ngo ita pulane nga nḓila ye ra vha ro pulana ngayo.
“Fhedzi nga half-time ro amba na vhathannga vhe vha bva kha bench vho ri thusa nga maanḓa.
” Zwoṱhe, ri thimu hu sa londwi uri i kha mudavhi kana nnḓa ha mudavhi. Ri ṱoḓa muṅwe na muṅwe,” o engedza.
“Ndi khou lavhelela mutambo wa u fhedzisela. Mutambo wanga wa vhuvhili wa u fhedzisela nga nḓila ya phurofeshinaḽa.
” Nahone ndi khou ṱoḓa mendela wa musuku zwi tou vha khagala,” mutambi wa murahu wa tsha u ḽa wa tshifhinganyana wa Orlando Pirates o engedza.
“Ri ḓo takadza vhatikedzi sa izwi vha tshi ḓa nga vhunzhi. Ri dzulela u vha takadza.”
Zwi tshe zwo ralo, mutambo wa u fhedzisela wa MTN8 wo vhetshelwa ḽa 13 Tshimedzi.
” Orlando pirates i do tangana na Stellies nga murahu ha musi yo kunda Sekhuekhune United nga 3-1 nga aggregate ya swika kha final ya vhuvhili nga u tevhekana ya Wafa Wafa.
Thimu idzi mbili dzo tangana kha final ya 2024 he Buccaneers ya dzhia gundo nga 3-1.
Translated by Nthaduleni Rolivhuwa
