‘A ri ṋei vhagudisi vha vharema tshifhinga’: Ouaddou o ralo
Mugudisi muswa wa Orlando Pirates Vho-Abdeslam Ouaddou vhari vha khou toda tshifhinga tshinzhi tsha u thusa tshigwada uri tshi bvelele.
Mugudisi muhulwane wa Orlando Pirates Vho-Abdeslam Ouaddou vho amba uri vhagudisi vha vharema kha ligi ya bola ya milenzhe ya PSL a vha fhiwi tshifhinga tsho eḓanaho tsha u ḓi sumbedza vhukoni.
Mugudisi wa Morocco o dzhena kha Buccaneers nga ṅwedzi wa Fulwana, a dzhia vhudzulo ha Jose Riveiro.
We a wina zwiphuga zwiṱanu kha miṅwaha miraru na Sea Robbers.
Ouaddou o vha na mathomo o fhambanaho kha tshifhinga tshawe, o kunda mitambo mivhili fhedzi kha mitambo ya rathi ya kilabu kha miṱaṱisano yoṱhe.
Vhatikedzi vha Pirates vho vha vha tshi khou timatima nga ha mugudisi wavho muswa nga murahu ha musi thimu i sa athu thoma zwavhuḓi kha khalanwaha ya Betway Premiership.
“Ndo ḓa ndi ndoṱhe fhano, ndo vha ndi tshi nga ḓa na vhathu vha rathi, thimu ngei Yuropa,
- vhari wana kha facebook| facebook.com/profile.
“fhedzi ndi tenda kha vhukoni ha Afrika, mahatsi ha ṱavhi huṅwe fhethu, arali wa profile vhathu vha Afrika Tshipembe, vha na vhukoni – a thi ṱoḓi u ḓisa vhathu fhano,” ho amba Ouaddou as per iDiski Times.
“Thaidzo i re muhumbuloni wa vhathu, musi u na lukanda lutswu, a ri ṋei avha vhathu tshifhinga [tsha u shuma], ndi sokou humbela, nṋeeni tshifhinga – ndi a ḓivha vhukoni hanga, ndi African proud.
“Ndi ngazwo ndo khisa vharathu vhanga [kha thimu yanga ya thekhinikhala nga tshifhinga tshoṱhe] ngauri vho ita mushumo wavhuḓi.
“Ngauralo arali nda vha na tshifhinga, khamusi ndi nga thusa tshigwada, arali nda sa ita nga u ralo, ndi ḓo pandelwa , ndi bola ya milenzhe, ndi vhutshilo, fhedzi ndi funa mushumo wanga,” Ouaddou o ralo.
Mafheloni a vhege o fhiraho, mutambi wa Morocco o vha mugudisi wa Pirates wa u fhedzisela u swika kha mutambo wa u fhedzisela wa khaphu.
Buccaneers yo swika kha final ya MTN8 lwa vhuṋa nga u tevhekana nga u kunda Mamelodi Sundowns nga dzi penalty nga Mugivhela.
- VHALANI HAFHU: Chiefs i ṱoḓana na mulindavhuno wa Ghana
Pirates i dovha ya tamba nga Lavhuvhili na Orbit College kha mutambo wa Premier Soccer League.
Translated by Nthaduleni Rolivhuwa
