‘A nga vha thandululo kha Chiefs musi i tshi tamba na Sundowns’
Mugudisi muhulwane wa Kaizer Chiefs Vho-Nasreddine Nabi vha do vha kha bannga lwa u thoma kha ino khalanwaha musi vha tshi tamba na Sundowns.
Muthusa mugudisi wa kale wa Kaizer Chiefs Vho-Farouk Khan vha vhona Ashley du Preez a tshi nga vha mutambi ane Amakhosi a mu ṱoḓa u kunda Mamelodi Sundowns.
Chiefs na Masandawana vha khou tangana lwa u tou thoma ino khalanwaha mudavhini wa FNB nga Lavhuraru nga madekwana.
Lwa u fhedzisela musi thimu mbili idzi dzi tshi ṱangana, Amakhosi yo kunda nga 2-1 kha semi-final dza Nedbank Cup nga ṅwedzi wa Ṱhafamuhwe.
Musi vha tshi amba phanḓa ha mutambo wa Ḽavhuraru, Vho-Khan vho tikedza mugudisi wa Kaizer Chiefs Vho-Nasreddine Nabi uri vha vhee Du Preez phanḓa.
- vhari wana kha facebook| facebook.com/profile.
“Ndi nga takalela u ṱuwa na mutambi a ṱavhanyaho sa Du Preez, ndi vhona u nga Du Preez a nga vha thandululo.
“Du Preez kha khalanwaha yo fhiraho o vha a tshi khou kora zwikoro zwa ndeme, fhedzi o vha a sa takalelwa nga zwiṅwe zwiitisi,” Khan o ralo kha Soccerbeat.
“Fhedzi musi mutambi o dzula tshifhinga tshilapfu nga u ralo kha bannga u a vha na nḓala na ene, a nga ṱoḓa u sumbedza vhukoni .”
“Ri a zwi ḓivha musi a tshi ḓa kha Chiefs, uri o vha e wa ndeme na u vha na ṱhuṱhuwedzo lungafhani.”
“Ngauralo khamusi ṱuwani nae, a nga vhanga thaidzo kha tsireledzo ya Sundowns, vha na khaedu kha tsireledzo yeneyo ya murahu.
- VHALANI HAFHU: ‘A ri ṋei vhagudisi vha vharema tshifhinga’: Ouaddou o ralo
A vha dzuli vho vhofholowa sa zwine vha fanela u vha zwone nahone zwino ndi tshifhinga tshavhuḓi tsha u vhea muthihi kha Sundowns.
Translated by Nthaduleni Rolivhuwa
