Pirates i ḓo tangana na Sundowns i sina mutambi wa ndeme
Mafhungo mavhi kha vhafuni vha Orlando Pirates.
Mutambi wa murahu wa tsha u ḽa Deano Van Rooyen ha nga ḓo ṱangana na Mamelodi Sundowns kha MTN8 nga murahu ha u huvhala musi a tshi tamba na Stellenbosch FC.
Orlando Pirates i do livha kha mutambo wayo wo lavhelelwaho vhukuma na Mamelodi Sundowns hu si na mutsireledzi wa ndeme.
Deano Van Rooyen, we a ṅwalwa zwenezwino kha tshigwada tsha Bafana Bafana,
U ḓo xelelwa nga mutambo wa vhuvhili wa semifinal ya MTN8 nga murahu ha u huvhala kha tshirumbi hu songo lavhelelwaho musi a tshi tamba na Stellenbosch nga Ḽavhuraru.
Mutambi wa kale wa Stellies o kombetshedzwa u bva kha hafu ya u thoma ya mutambo wonoyo, zwa sia mugudisi Abdeslam Ouaddou a tshi khou renwa ṱhoho nga ha u tsireledza maḓuvha a si gathi musi a sa athu ṱangana na Masandawana.
“Ndi na muhumbulo [wa u huvhala], fhedzi a ri na vhupfiwa ho khwaṱhaho u bva kha muhasho wa zwa ngalafho,” Ouaddou o vhudza vhoramafhungo.
“Zwine nda nga ni vhudza ndi uri ha nga ḓo vha hone , fhedzi a thi na muvhigo wo fhelelaho wa zwine a vha nazwo ngauri u kha ḓi tea u phasa miṅwe milingo u itela uri ri kone u vhona vhuhulwane ha u huvhala hawe,” ho phetha nga u ralo mutambi wa French-Morocco.
Mugudisi wa Orlando Pirates a nga nanga Kamogelo Sebelebele kha mushumo wa mutambi wa murahu wa phapha,
- Vhalani hafhu : Orlando Pirates yo wina lwa u thoma kha ligi
Ngeno Tshepho Mashiloane, Bandile Shandu, Thabiso Lebitso, na Siyabonga Ndlozi vhoṱhe vho ima sa vhane vha nga dzhiela vhudzulo.
Translated by Nthaduleni Rolivhuwa
