Mugudisi wa pirates u khou toda mbofholowo kha mofokeng

Mugudisi wa Orlando Pirates Vho-Abdeslam Ouaddou vho amba uri u shandukiswa ha Relebohile Mofokeng kha mushumo wa nomboro ya vhufumi zwo vha zwi tshi khou ṱoḓa u vula mbofholowo yawe.

Orlando Pirates yo kunda Stellenbosch FC nga 1-0 yo vha i tshi fhira phoindi tharu. Zwo dovha zwa ṋea vhafuni mbuno ntswa ya u amba nga ha Relebohile Mofokeng.

Mutambi wa minwaha ya 20, we nga mvelele a vha e mutambi wa kha tsha monde, o sukumedzwa kha mushumo wa nomboro ya fumi ngeno Patrick Maswanganyi o wela kha bennde nga nḓila i mangadzaho.

• vhari wana kha facebook| facebook.com/profile.

Mofokeng o vha i tshi vhonala a khombo nahone a na mafulufulu, a  khou ṱangana zwavhuḓi na Oswin Appollis na Kamogelo Sebelebele kha u ṱhasela.

“Ndi nga si ambe uri ndi a mu vhona tshifhingani tshi ḓaho kha vhuimo honoho [10], sa mugudisi u fanela u sengulusa phrofaili ya vhatambi vhane wa vha navho.

U sengulusa vhushaka vhukati havho, zwine zwa nga shuma, zwine zwa nga si shume,” ho amba mugudisi wa Orlando Pirates Abdeslam Ouaddou nga ha uri tshifhinga tsha u shanduka ndi tsha tshoṱhe kana hai.“

Ndo vha ndi tshi humbula uri u na vhushaka havhuḓi na Appollis na Sebelebele, khamusi ri nga dovha ra mu vhona kha mushumo wonoyo.

• Vhalani hafhu : Pirates i ḓo tangana na Sundowns i sina mutambi wa ndeme

Fhedzi u kha ḓi nga tamba nga vhuphara – fhedzi ndi phrofaili ya mutambi ane ra fanela u mu ṋea mbofholowo,” Ouaddou o engedza.

Translated by Nthaduleni Rolivhuwa