Chiefs i ṱoḓana na mulindavhuno wa Ghana
Kaizer Chiefs hu khou pfala uri yo ṋetshedza mutambi wa Guinea Mohamed Camara, ane a vha mulindavhuno wa tshigwada tsha Ghana Asante Kotoko.
Naho Chiefs yo no vha na vhatambi vhaṋa — Brandon Petersen, Bruce Bvuma, Fiacre Ntwari na Karabo Molefe — hu pfi vha na dzangalelo ḽa u khwaṱhisa vhuimo havho ha mulindavhuno .
Uya nga ha Africa Foot, Chiefs na Kotoko vha kha nyambedzano dza u renga mulindivhuno.
Zwino Sun i nga bvukulula uri nyambedzano dzi kha vhuimo ha nṱha nahone Chiefs yo no ṋea Kotoko mutambi.
Tshisima tsha tsini na tshigwada tshiri Chiefs yo ḓiimisela u ṋea Kotoko Ntwari na u engedza tshelede uri i wane Camara.
Camara, wa miṅwaha ya 25, u na thendelano na kilabu i re Kumasi u swika nga ṅwedzi wa Ṱhangule 2026.
Nga nnda ha Chiefs, hu dovha ha vha na dzinwe kilabu dzine ha pfi dzi na dzangalelo kha mulindavhuno.
Fhedzi-ha, o amba uri mbilu yawe ndi ya Naturena.
Mutsireledzi wa tshipiḓa tsha nṱha o khwaṱhisedza uri Chiefs yo mu kwama, ya mu laedza uri a ambe na vhalanguli vha Kotoko ngauri u kha ḓi vha fhasi ha thendelano navho.
Arali Kotoko ya hana u mu vhofholola, Amakosi i do lindela u swika nga nwedzi wa Phando, nga murahu ya mu saina kha u engedzwa ha thendelano sa izwi a tshi do vha o sala na minwedzi ya rathi kha thendelano yawe.
Camara o kunga Chiefs nga tshifhinga tsha Toyota Cup ngei Jukayi he a vha na mushumo wavhuḓi, a gavha dzi penalty tharu musi Kotoko i tshi kunda Amakhosi nga 3-2.
- Vhalani hafhu : Mugudisi wa pirates u khou toda mbofholowo kha mofokeng
Kotoko, ye ya wina Caf Champions League luvhili, i nga wana zwi tshi konḓa u vhuisa mulindavhuno wavho sa izwi Amakhosi i tshi mu ṱoḓa.
Translated by Nthaduleni Rolivhuwa
