Orlando Pirates yo wina lwa u thoma kha ligi
Kamogelo sebelebele ndi ene we a dzhia tshikoro tshithihi fhedzi tsha mutambo musi Orlando pirates i tshi kunda stellenbosch FC kha mutambo wa Betway Premiership.
Mugudisi muhulwane wa Orlando Pirates Vho-Abdeslam Ouaddou vho fhindula nga murahu ha musi thimu yo no wina lwa u thoma kha ligi kha ino khalanwaha.
Buccaneers yo vha yo kunda Stellenbosch FC nga 1-0 tshitediamu tsha Orlando.
Kha mutambo wa hafu ya u thoma nga mutambi muswa Kamogelo Sebelebele o vha o eḓana u ṋea Sea Robbers phoindi dzoṱhe tharu na u kunda havho ha vhuvhili kha khalanwaha nga fhasi ha Ouaddou.
Mugudisi wa Orlando Pirates o livhuwa vhatambi vhawe kha u sumbedza vhuḓifari phanḓa ha tshitediamu tsha Orlando tsho ḓalaho.
“Ndi na muhumbulo khavho [vhafuni] ngauri vho vha vho lindela hedzi poindi tharu lwa vhege mbili.
“Nahone ndi takalela u fhululedza vhatukana vhanga ngauri na vhone vha na vhukoni,” Ouaddou o ralo.
Orlando Pirates yo wina lwa u thoma kha ligi
“Ro vha na hafu ya u thoma i takadzaho vhukuma; ro sika zwikhala zwa nṱha, nahone kha hafu ya vhuvhili, ndi humbula uri ro xelelwa nga tshifhinga tsha mimunithi ya 25 ya u langa nahone ndi humbula uri ri fanela u khwinisa zwenezwo arali ri tshi ṱoḓa u ya nṱha.
“Ri nga si ṱanganedze u xelelwa nga vhulangi kha mutambo we ra vha ri tshi u langa u bva mathomoni.”
Orlando Pirates i khou tamba mafheloni a vhege na Mamelodi Sundowns kha mutambo wa vhuvhili wa semi-final ya MTN8.
- Vhalani hafhu : Lucas Ribeiro Costa u khou toda u bva kha Sundowns
Thimu mbili idzi dzo tamba 1-1 ngei Orlando nga Mugivhela wo fhiraho.
Translated by Nthaduleni Rolivhuwa
