‘Ri khou tambela u wina ligi’ – mugudisi wa Kaizer Chiefs
Kaizer Chiefs yo wina mitambo yayo yothe ya ligi u swika zwino kha ino season nahone muthusi wayo wa mugudisi uri hu na zwinwe zwine zwa do da.
Muthusa mugudisi wa thimu ya kaizer chiefs Khalil ben youssef o tenda uri Amakhosi i khou pandamedza dzi betway premiership ino khalanwaha.
Thimu yo fhedza i nnḓa ha top eight kha khalaṅwaha mbili dzo fhiraho nahone a i athu wina tshiphuga tsha ligi lwa miṅwaha i fhiraho 10.
Kha ino khalaṅwaha , zwithu zwo fhambana ngauri Glamour Boys yo dzhia dzi wini tharu kha mitambo yayo miraru ya u thoma ya ligi.
“Ri na zwipikwa zwashu nga ngomu vhukati ha vhatambi na thimu ya thekhinikhala,” Ben Youssef o ralo u ya nga KickOff.
“Zwo ṅwaliwa lufherani lwashu lwa muṱangano ngei Muḓini, nahone ni nga vhudzisa nga hazwo.
“Ri a ḓivha zwine ra fanela u zwi ita nahone ri zwi vhea vhukati hashu.
“Kha riṋe, ri zwi dzhia mutambo nga mutambo. A ri humbuli nga ha tshithu, nahone a ri na mutsiko.
“Ngoho, Kaizer Chiefs ndi inwe ya thimu khulwanesa Afrika Tshipembe, arali ra tamba kha ligi, ri tamba u itela u wina ligi,” vho ralo.
Sa vhunga vho no wina mitambo yavho yothe ya ligi u swika zwino, muthusa mugudisi wa Kaizer Chiefs u tenda uri hu kha di vha na zwinzhi zwine vha tea u zwi guda.
Ben Youssef vhari zwa zwino thimu i khou shuma nga 60-70%.
“Ndi vhona unga hu kha ḓi vha na zwinzhi zwine zwa fanela u itwa kha heyi thimu.
- Vhalani hafhu: Nabi u do vhuya kha mutambo utevhelaho na Sundowns
fhedzi u swika zwino, kha ndi ambe uri ri 60-70%, ro takala nga ha kushumele.
Translated by Nthaduleni Rolivhuwa
