Nabi u do vhuya kha mutambo utevhelaho na Sundowns
Nabi u do vhuya kha mutambo utevhelaho na Sundowns: Ben Youssef o khwathisedza uri Nabi u ḓo vhuya kha mutambo wa Sundows Mafhungo avhudi kana a si avhudi kha Chiefs?
Muthusa mugudisi wa Kaizer Chiefs Vho-Khalil Ben Youssef vho khwathisedza uri Vho-Nasreddine Nabi vha do vha kha hone kha mutambo wa Downs.
Muhulwane wa minwaha ya 60 vho bva gammbani mathomoni a uno nwedzi vha tshi khou ya u vha na mufumakadzi wavho ngei Tunisia.
U bva tsheetsho o xelelwa nga mitambo miraru ya u thoma ya Amakhosi ya Betway Premiership a si na tshikoro na tshithihi.
Musi Nabi a siho, thimu yo dovha ya bvisela khagala vhatambi vhararu vhaswa.
Vho-Etiosa Ighodaro, Luke Baartman na Vho-Asanele Velebayo vho bviselwa khagala sa vhatambi vha Kaizer Chiefs ino vhege fhedzi vhenevha vhararu a vho ngo vha hone kha mutambo wa Amakhosi we wa kunda Richards Bay nga 1-0 nga Ḽavhuvhili.
Vho-Ben Youssef vho vhudza vho ramafhungo ino vhege uri Nasreddine Nabi u tea u vhuyelela Afrika Tshipembe musi hu sa athu vha na mutambo wa Mamelodi Sundowns.
“Mugudisi Nabi u do vha na rine ino vhege u lugisela mutambo na Sundowns,” vha ralo.
Kha u tamba ha thimu nga Ḽavhuvhili, Ben Youssef o khoḓa vhupileli hawe.
“Ndi vhona unga ndi tshone tshithu tsha ndeme kha riṋe, ro takala vhukuma nga ha tsireledzo yashu,” o ralo.
“Ro haseledza na kha khaphu nga ha tsireledzo yashu.
” Ri tea u vha na maanḓa; ri nga si ṱanganedze uri iṅwe ya thimu khulwanesa Afrika Tshipembe i ṋea zwikoro zwinzhi.”
Musi Nabi a tshi vhuyelela kha Kaizer Chiefs, zwi kha di do vhonala uri Glamour Boys i do vhulunga fomo naa.
Mugudisi wa Tunisia o ranga phanḓa Amakhosi kha u wina khaphu ya u thoma nga murahu ha miṅwaha ya fumi.
- Vhalani hafhu : Tshinwe tshikhala kha mutambi we a vha e na bvumo ḽivhi
Fhedzi tshigwada tshawe tsho fhedza tshi kha vhuimo ha vhuṱahe kha Betway Premiership.
Translated by Nthaduleni Rolivhuwa
