PSL na nḓivhadzo ya ndeme nga ha Thikhithi dza MTN8
Thikhithi dza mutambo wo lavhelelwaho vhukuma tshitediamu tsha Lucas Moripe nga Mugivhela dzo dovha dza rengiswa dzo fhela maḓuvha maṱanu hu sa athu u thoma mutambo.
Mutambo uyu u do dzhia tsheo ya uri ndi nnyi ane a do dzhena kha mutambo wa u fhedzisela wa MTN8 vhukati ha Mamelodi Sundowns na Orlando Pirates.
Thikhithi dza mutambo uyu dzo thoma u rengiswa nga Lavhutanu lo fhelaho nahone nga Musumbuluwo nga masiari vha Premier Soccer League vho divhadza uri dzo rengiswa dzothe.
Thimu dzi do dzhena kha mutambo uyu wa vhuvhili wa semi-final MTN8 thimu mbili dzi na fulufhelo nga murahu ha u tamba mutambo wa u thoma.
- vhari wana kha facebook| facebook.com/profile.
Mutambo wa u thoma – wo farelwaho Orlando Stadium nga Mugivhela wo fhiraho – wo fhela nga 1-1 nahone zwi khagala uri a si thimu nthihi.
Zwino tshitediamu tsha Lucas Moripe tshi tea u bveledza vhukuma uri tshi kone u ya kha final.
Arali tshikoro tsha vha 0-0, Sundowns i do bvela phanda nga zwikoro zwa nnḓa u bva kha mutambo wa mafhelo a vhege o fhiraho wa Orlando.
Arali tshikoro tsha dovha tsha vha 1-1, mutambo u do ya kha dzi penalty.
Arali tshikoro tsha vha 2-2 kana u fhira, Pirates i ḓo bvela phanḓa nga zwikoro zwa nnḓa.
Thimu ine ya ḓo wina mutambo wa Lucas Moripe i ḓo ya phanḓa ya ṱangana na Stellenbosch kana Sekhukhune United kha mutambo wa u fhedzisela.
Musi vha sa athu tamba mutambo uyu u konḓaho nahone une wa vha uri wo no takadza, thimu dzi na mitambo ya ligi nga Ḽavhuraru vhusiku.
Sundowns i do dalela Magesi FC tshitediamu tsha Seshego ngei Polokwane, ngeno Pirates i tshi do tamba hayani na Stellenbosch tshitediamu tsha Orlando.
Translated by Nthaduleni Rolivhuwa
