‘Vho ri a thi tei u amba tshithu kana zwo fhela’: Mohau Nkota o vula
Mohau Nkota o vhuya shangoni nahone o vhonwa na vhatambi vhawe vha kale musi Orlando Pirates i tshi tamba na Mamelodi Sundowns.
Mutambi wa kale wa Orlando Pirates Mohau Nkota o vula nga ha u dzhena hawe kha ligi ya Saudi Pro nga nḓila i mangadzaho, he vha dzhena kha Al-Ettifaq.
Mutambi uyu wa minwaha ya 20 o tamba lwa u thoma kha Premier Soccer League (PSL) kha Buccaneers kha khalanwaha yo fhelaho nahone a fhedza e munwe wa vhatambi vha ntha kha kilabu.
O kora zwikoro zwiṱanu kha miṱaṱisano yoṱhe kha mitambo ya 39, O vha vha tshi shuma vhukuma kha u thusa Pirates u swika kha semi-final ya CAF Champions League.
Mutambi uyu o dzhena kha tshigwada tsha Saudi tsha Al-Ettifaq nga ṅwedzi wa Fulwana musi tshigwada tshi Spain kha pre-season yatsho.
Nga tshifhinga tshawe kha Pirates, Mohau Nkota o vha a tshi ḓiphina nga vhushaka havhuḓi na Relebohile Mofokeng kha zwigwada zwa nga thungo.
- vhari wana kha facebook| facebook.com/profile.
“Ene (Mofokeng) o vha o takala na nṋe. O ri ṱuwa; ndo amba nae nga hazwo nga murahu ha musi vho no ḓivhadza, ndo dzula nae bisini,” Nkota o vhudza Sports Night Amplified.
“Vho ḓivhadza nga murahu ha mutambo wa vhukonani we ra vha nawo ngei Spain, ro dzhena bisini, musi muṅwe na muṅwe a tshi bvisa founu dzawe, vho vha vho mangala.
“[Kiḽaba yanga ntswa] yo mmbudza uri a tho ngo fanela u amba tshithu [nga ha u pfulutshela] ngauri arali nda amba nthihi, yo no fhela,” o engedza nga u ralo.
- VHALANI HAFHU: Ho vha hu na Nkota, zwino hu na Sebelebele’
Nkota o vhonala o dzula zwiṱitshini nga tshifhinga tsha mutambo wa semi-fainala wa Orlando Pirates wa MTN8 na Mamelodi Sundowns na vhatambi ngae vha kale, musi Buccaneers i tshi tamba u lingana na sundowns.
Translated by Nthaduleni Rolivhuwa
