Mulindavhuno wa Senegal u khou ṱoḓa u dzhena kha PSL
Mulindavhuno wa Senegal Boubacar Fall u khou ṱoḓa u dzhena kha kilabu ya PSL musi a tshi khou ṱoḓa khaedu ntswa kha mushumo wawe wa bola ya milenzhe.
Mulindavhuno – ane a vha na vhulapfu ha 1.98m – zwenezwino o ṱutshela tshigwada tshawe tsha kale kha Ligue 2 ngei France, Saint-Etienne.
Kiḽaba a yo ngo vusuludza thendelano yawe musi i tshi fhela nga ṅwedzi wa Ṱhangule, nahone u ya nga Soccer Laduma, vhalanguli vhawe vha khou mu ṱoḓa haya huswa.
Hu pfi musi vha tshi khou ṱoḓa kilabu ye Mulindavhuno wa miṅwaha ya 24 a alutshela khayo, vho ṱalula PSL sa ḽigi ine ya nga mu ṋea khaedu yo teaho.
“Boubacar u khou ṱoḓa kilabu ine a nga bvela phanḓa na mushumo wawe nga murahu ha musi o no ṱuwa Saint-Etienne,” ho dovhololwa muimeleli wawe.
“Ri kha ḓi ṱola zwine ra nga zwi nanga kha ligi dzo fhambanaho, nahone PSL na yone ndi iṅwe yadzo ngauri i na ligi dzine dza vha na muṱaṱisano wa nṱhesa na thimu dzine dza langiwa nga nḓila ya vhuphurofeshinaḽa.”
Sa vhunga vhalindavhuno vha thaidzo kha bola ya milenzhe yapo, Fall a nga kha ḓi sa konḓelwa u wana thimu na u dzula fhano.
- VHALANI HAFHU : Kaizer Chiefs i na phoindi nnzhi u fhira maṋo a Junior Khanye
Vhunzhi ha thimu dzapo dzi na vhalinda vha nnḓa nga ṅwambo wa zwenezwi, nahone vhatambi vhapo vha vhuimo ha nṱha vha khou ṱahela.
Translated by Nthaduleni Rolivhuwa
