Mafhungo madifha kha vhatevheli vha Chiefs
Kaizer Chiefs yo saina Asanele Velebayi, nga murahu ha musi ho no dzhiiwa tsheo ya u mu vhofholola na u mu ita uri a vhe hone nga nḓila ya mahala.
Chiefs ndi kale i tshi khou ṱoḓa u saina mutambi wa vhukati – ngoho ndi ya uri u bva kha khalanwaha yo fhiraho.
Fhedzi vhuḓidini havho ho thivhelwa nga Spurskha khalanwaha yo fhiraho, vha tshi khou gungula uri zwe Chiefs ya zwi vhea kha ṱafula ndi zwiṱuku.
Fhedzi zwino nga murahu ha nwaha, Chiefs yo wana mutambi uyu mahala sa izwi tshiimiswa tsha u tandulula dzikhakhathi tsha PSL tsho dzhia tsheo ya uri ha tsha vha na thendelano na Spurs.
Vho-Velebayi vho tanganedzwa ngei Naturena nga muofisiri wa u saina vhatambi vha kilabu Kaizer Motaung Junior nga Lavhuvhili nga masiari.
- vhari wana kha facebook| facebook.com/profile.
Mutambi uyu o bebwaho Kapa o saina thendelano ya tshifhinga tshilapfu na Amaakhosi – naho zwidodombedzwa zwi songo bviselwa khagala.
“Ro takalela u vha na Asanele fhano na riṋe,” ho amba Kaizer Junior, Mulanguli wa Mitambo wa Chiefs.
“Ndi mutambi ane a ḓo engedza vhuimo nahone ri tenda uri u ḓo vha na mvelelo dzavhuḓi vhukuma ngauri u tamba nga nḓila ine ya tendelana na tshitaila tshashu tsha bola ya milenzhe.”
- VHALANI HAFHU :Nkota o ‘sasaladza’ Pirates ya Ouaddou
Chiefs zwino i ḓo lindela tsheo ya bodo ya PSL kha Luke Baartman, muṅwe mutambi ane na ene u khou lwa na Spurs.
Translated by Nthaduleni Rolivhuwa
