Kiḽaba ya kale ya PSL yo vhuyelela kha bola ya milenzhe

Kiḽaba ya kale ya PSL Tshakhuma Tsha Madzivhandila [TTM] yo vhuyelela kha bola ya milenzhe.

Nga murahu ha miṅwaha mivhili yo tsela fhasi kha muṱaṱisano wa Motsepe Foundation zwi tshi tevhela u fhela ha khalanwaha ya 2022/23.

Nga tshifhinga tsha musi vha tshi tsela fhasi kha ABC Motsepe League, tshigwada tsho vha tshi Mangaung kha ḽa Free State. 

Vho pfulutshela henefho nga murahu ha u ṱangana na vhalanguli vha tshitediamu tsha Thohoyandou kha vundu ḽavho ḽa u thoma ḽa Limpopo.

Nga murahu ha zwenezwo, kilabu iyi yo rengisa vhuimo hayo ha ḽigi ya vhuraru – SAFA ABC Motsepe League kha kilabu ine ya pfi Maruleng Celtic ine ya vha kha Tshiṱiriki tsha Mopani ngei Limpopo.

Hu pfi TTM yo lingedza u renga nḓila ya u vhuyelela kha PSL nga u wana vhuimo ha kilabu kha Motsepe Foundation Championship kana Betway Premiership, fhedzi vhuḓidini uhu a ho ngo bvelela.

FARPost ubva tsheetsho yo khwathisedza uri kilabu yo rengwa murahu nahone i do vha i tshi khou shela mulenzhe kha ABC Motsepe League.

Hu khou pfi kilabu iyi i do rangwa phanda nga muofisiri wa kale wa thimu ya Black leopards na Mpheni defenders Azwihangwisi phasha.

Phasha vho khwathisedza uri vho renga tshiimo murahu kha Maruleng Celtic. Vho dovha vha khwaṱhisedza uri mugudisi wa vhukoni Lucky ‘Muchichwa’ Nelukau o tholwa lwa tshiofisi sa mugudisi muhulwane.

“Ee. Ndo vhuya sa mugudisi muhulwane wa TTM. Ri khou toda u ita khaedu ya u huliswa,” Nelukau o khwathisedza kha FARPost.

“Ri khou ṱoḓa heyi thimu i tshi vhuyelela kha PSL nga u ṱavhanya. Zwi tou vha khagala uri ro vha ri tshi khou ṱoḓa vhuimo kha PSL na NFD.

” Ngauralo ro dzhia tsheo ya u vhuyelela kha ABC Motsepe League u itela uri ri kone u vhuisa heyi kilabu hune ya tea u vha hone.

• Vhalani hafhu : Mafhungo madifha kha vhatevheli vha Chiefs

” Ndo dovha nda dzhia tsheo ya u vhuyelela kha zwa vhugudisi nga murahu ha tshifhinga tshilapfu tsha u awela.”

Translated by Nthaduleni Rolivhuwa