Nkota o ‘sasaladza’ Pirates ya Ouaddou
Vho-Mohau Nkota, vhe zwenezwino vha ṱutshela tshigwada tsha Orlando Pirates vha dzhena kha tshigwada tsha Al-Ettifaq tsha Saudi Arabia, vho vhuyelela hayani lwa tshifhinganyana.
Vho mbo ḓi humbelwa nga Metro FM uri vha vha dalele vha amba zwiṅwe zwithu zwine zwa vha na khanedzano – u ita maswina na u wana vhafuni vhaswa.
Zwe zwa ita uri hu vhe na khanedzano nnzhi na u ita uri a sasaladzwe vhukuma ndi u sasaladza hawe nyimele ya thimu nga fhasi ha Abdeslam Ouaddou.
Pirates yo tamba mitambo mivhili nga fhasi ha mugudisi o bebwaho Morocco – yo kunda musi i tshi tamba na Polokwane City ya dovha ya kundwa nga Sekhukhune United.
Nḓila ye thimu ya tamba ngayo na Sekhukhune yo sia vhatikedzi vha sa ḓigeḓi, vha na nyofho dza uri vha ḓo lwisana na zwiṅwe zwithu.
Nkota kha sia lawe o gungula uri mugudisi u fanela u shandula vhatambi vhane a vha shumisa, nga maanda vhukati ha mudavhi ngauri a vha dzudzanyi zwavhudi.
“Arali ndo vha ndi mugudisi ndo vha ndi tshi do shandula vhatambi vha vhukati… Ndi vhona unga vha tamba murahu tshifhinga tshinzhi,” ho amba Nkota.
“U khou tea u shandula vhatambi vha vhukati. Hu na mutambo muhulwane une wa khou ḓa (mutambo wa MTN8 na Mamelodi Sundowns).
O mbo ḓi vhudziswa nga ha mugudisi, a amba uri sa izwi o vha e nae nga tshifhinga tsha ndugiselo dza phanḓa ha khalanwaha,
O vha a tshi mu ḓivha khwine, ngauralo o vha a tshi kona u vhona uri u khou tshimbila hani.
Fhedzi o sokou phumula tshifhatuwo sa muthu ane a divha zwithu zwo dzikaho fhedzi asa todi u zwi amba khagala.
“Arali nda amba nga ha mugudisi ndi do vha na thaidzo” ndi mutambi muswa ane a kha di tou bva u dzhena kha thimu ya Bafana Bafana.
Pirates i do tangana na Marumo Gallants Stadium tsha Dr Molemela kha mutambo wa Betway Premiership nga Lavhuvhili – mutambo u do thoma nga awara ya vhusumbe na hafu nga madekwana.
- Vhalani hafhu : Ben Youssef u amba nga ha vhaswa vhe vha si vhonale nga Swondaha
Nga murahu ha zwenezwo, vha ḓo ṱangana na Mamelodi Sundowns kha luṱa lwa u thoma lwa semi-final dza MTN8 .
Translated by Nthaduleni Rolivhuwa
